O Club Deportivo Miño ocupou a sexta posición da xeral de clubs.
O pasado fin de semana disputouse na localidade leridense de Sort o Campionato de España de Slalom Olímpico. Á cita acudiron os seis clubs galegos en busca dos metais en xogo para este campionato.
Ainhoa Lameiro do Club Piragüismo Penedo sumou dúas medallas de ouro ao gañar en K1 e C1 cadete, así mesmo Manuel Ochoa do C.D. Miño os Teixugos proclamouse campión de España en K1 xuvenil.
Por outra banda Brais Castro e Luís Fernández do C.D. Miño os Teixugos conseguiron a terceira posición en C2 senior, Lorena Costa de Piragüismo Dumbría logrou o terceiro posto en K1 cadete e por último Emilio Rodríguez de os Teixugos foi terceiro en K1 veterano.
Polo que respecta á clasificación xeral de clubs o C.D. Miño-Teixugos foi sexto, o Tea de Mondariz-Balneario foi noveno, Piragüismo Dumbría décimo, SenSiras de Mazaricos décimo segundo e Quixós de Monforte décimo quinto.
