Os Alonso, a Paz e o tándem Echegoyen/Betanzos no escenario náutico de Río de Janeiro
A cidade carioca alberga outra das grandes citas mundiais de ambas as clases tras o Suramericano de Vela
O Intergaláctico de Brasil é a nova cita deportiva para os membros do Equipo Olímpico Español de Vela das clases 49er Masculino e FX Feminino.
Tras o Campionato Suramericano de Vela, disputado a semana pasada, a cidade carioca de Río de Janeiro volve albergar outra das grandes regatas mundiais de ambas as especialidades.
Novamente sairán a escena as tripulacións formadas polos irmáns asturianos Alonso, Federico e Arturo (O Gaiteiro) do Real Club Astur de Regatas, que finalmente acabaron no posto número 16 da listaxe. Os galegos Paz, Carlos e Antón (Deporte Galego-Dip. Pontevedra-Zhik-Cousin) do Liceo Casino de Vilagarcía, finalizaron a regata brasileira no 19.
A tripulación feminina do FX español, formada polo tándem galego/cántabro Támara Echegoyen e Berta Betanzos (Movistar) RCN Sanxenxo/RCM Santander, logrou meterse na final das Medal Races, ocupando un extraordinario sétimo posto.
A duración da competición está programada a catro xornadas, finalizando o vindeiro venres 14 de novembro, contando sempre coa diferenza horaria respecto de España.
