O Concello de Nigrán organiza unha nova odservación das perseidas en Chandebrito no mesmo día de San lorenzo.
O Concello de Nigrán organiza por segundo ano consecutivo a través da Fundación Ceo, Ciencia e Cultura (creadora e xestora do Observatorio Astronómico de Forcarei) unha noite de observación das perseidas, popularmente coñecidas como bágoas de San Lourenzo pola coincidencia con esta festividade. Esta terá lugar o propio día, 10 de agosto, ás 22.30 horas no castro de Chandebrito.
A Fundación Ceo, Ciencia e Cultura (vinculada ao Observatorio Astronómico de Forcarei) será a encargada de guiar aos asistentes
Os interesados poden acudir directamente alí a esa hora ou, se descoñecen o lugar, presentarse en coche ás 22.00 horas no Concello de Nigrán, dende onde se organizará unha saída para que ninguén se perda. A observación estará guiada por Ricardo Lago, mestre e astrónomo vocacional ademais de colaborador do Observatorio Astronómico de Forcarei.
A actividade é gratuíta e para tódolos públicos e recoméndase acudir con roupa de abrigo, toallas ou mantas para tirarse no chan, comida ou bebida se desexan cear vendo ás estrelas e prismáticos no caso de que dispoñan deles. Entre perseida e perseida, ademais, o experto mostrará as diferentes constelacións e haberá unha sorpresa para facer aínda máis máxica esta noite. O Concello de Nigrán mantén esta actividade e desexa que sea unha referencia tódolos meses de agosto, xa que ademáis de disfrutar do espectáculo anima a xente a coñecer as parroquias do interior.
Este ano as bágoas de San Lourenzo terán cinco veces máis intensidade que noutras ocasións
Dende a Fundación Ceo, Ciencia e Cultura sinalan que a explanada do castro de Chandebrito é un lugar privilexiado porque é un espazo grande con amplitude de bóveda celeste e ten unha contaminación lumínica moi baixa (non chega prácticamente a luz de Vigo, Baiona ou Nigrán). Por outra banda, os astrónomos consideran este ano especialmente favorable para a súa observación, cinco veces máis intensa que anos anteriores.
A maiores, o venres día 12 o Instituto de Estudos Miñoranos, en colaboración co Concello de Nigrán, repite a actividade na parroquia de Chandebrito pero vinculada tamén a un roteiro cultural pola zona.
As perseidas toman o nome da constelación de Perseo porque debido a un efecto óptico da a sensación de que todas veñan desde ese mesmo punto. Non son estrelas fugaces, se non meteoros moi brillantes que viaxan a 59 km/segundo, deixando ás veces unha estela ao seu paso. O seu causante é o cometa 109 P/swift-Tuttlem, que se fragmenta cada vez que a terra cruza a súa órbita.
