Inicio Pontevedra Baixo Miño Portos de Galicia aproba os plans de usos de muros de Panxón,...

Portos de Galicia aproba os plans de usos de muros de Panxón, Bueu-Beluso e A Guarda-A Pasaxe

portos-galicia-aproba-os-plans-usos-muros-panxon-bueu-beluso-e-guarda-pasaxe
A Pasaxe – A Guarda

Os documentos definen os usos e actividades que se desenvolven en cada un dos peiraos e zonifica o solo para o desenvolvemento de cada actividade

 A Consellería do Mar, a través de Portos de Galicia, vén de aprobar os documentos de Delimitación de Espazos e Usos Portuarios (DEUP), o chamado Plan de Usos, dos portos de Panxón (Nigrán), Bueu-Beluso e A Guarda-A Pasaxe. O Consello de Administración do ente público ratificou na súa última reunión estes plans que permiten unha mellor planificación e explotación do solo portuario.

O DEUP recolle o ordenamento do solo e a distribución das actividades que se desenvolven no dominio público portuario. Deste xeito, define os usos e actividades que se realizan en cada caso e zonifica o solo portuario para o desenvolvemento futuro das distintas actividades que conviven nos peiraos.

A Delimitación de Espazos e Usos Portuarios é unha actuación encamiñada a mellorar a relación entre os portos e as vilas que os acollen, unha das liñas de traballo permanente de Portos de Galicia que, a día de hoxe, ten aprobada unha trintena de plans para outros tantos portos autonómicos.

Deste xeito, o ente público avanza na cohesión entre o tecido urbano e as infraestruturas portuarias, de modo que poidan beneficiar non só aos usuarios directos, senón tamén ao conxunto da cidadanía. Así mesmo, establece unha planificación e zonificación das diferentes actividades que conviven no peirao, a medio e longo prazo.

 

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies