Inicio Galicia Os traballos de acondicionamento da Xunta no Castro de Viladonga (Lugo) permiten...

Os traballos de acondicionamento da Xunta no Castro de Viladonga (Lugo) permiten a localización dunha nova escaleira

O conxunto arqueolóxico e museístico de ViladongaA Consellería de Cultura e Turismo está a realizar unha campaña arqueolóxica financiada con fondos FEDER no Castro de Viladonga en Castro de Rei (Lugo), grazas a cal vén de localizarse unha nova escaleira de acceso á muralla.

Os escalóns están axuntados ao paramento da segunda muralla que forma parte do complexo sistema defensivo deste xacemento castrexo. Este novo elemento, que enriquece a visión de Viladonga como un poboado complexo e sofisticado, apareceu durante os traballos de limpeza e re-escavación das antigas sondaxes e cortes feitos anos atrás en murallas e parapetos. O equipo de arqueólogos encargado da campaña apunta que a finalidade destas escaleiras era comunicar o corpo de garda da gran entrada aberta no leste do asentamento castrexo co paseo de rolda que percorría todo o alto da cerca.

A escaleira conserva sete chanzos en moi bo estado e resulta semellante a outras localizadas neste e outros asentamentos, malia que é a primeira que está relacionada cunha porta ou sistema de acceso.

Esta campaña centrou a súa actividade na roza e limpeza da vexetación que cubría parte do sistema defensivo e dos recintos secundarios do xacemento arqueolóxico, así como na re-escavación dos antigos cortes abertos no sistema defensivo do castro, nas inmediacións da potente entrada Leste, xa fóra da croa do Castro. Pero a súa actuación fundamental consiste na re-escavación, consolidación e acondicionamento do espazo situado no ángulo nordés do interior da croa do Castro, nunha superficie de aproximadamente 900 m2.

En canto á roza da zona exterior da croa do castro o traballo feito permite apreciar agora unha estrutura colosal ao final da antemuralla, formando parapetos e foxos. No referente a re-escavación dos antigos cortes abertos no sistema defensivo do castro o máis salientable ata o de agora é, xunto a localización das referidas escaleiras, a exhumación dun gran torreón macizo de planta redondeada, de máis de cinco metros de diámetro, que orixinalmente formaba parte das estruturas que reforzaban o sistema de acceso ao poboado. Dito torreón foi localizado nunha intervención realizada no ano 1988 pero grazas ás actuacións que se están a levar a cabo na actualidade é posible velo en todo o seu esplendor e vai ser consolidado e acondicionado para converterse nun elemento máis dentro do circuíto de visita do Castro de Viladonga. Tamén a destacar a recuperación e acondicionamento dunha pequena parte dun dos fosos, que estaba semicolmatado e que agora quedará visitable.

Por último, a actuación no interior da croa do Castro está tamén comezada e está dando os seus primeiros resultados coa definición das estruturas habitacionais alí situadas e localización dun novo tramo do lenzo interior da muralla.

A Administración autonómica inviste 194.710,78 euros nesta campaña que vai continuar ata finais do mes de decembro deste ano polo que, segundo avancen os traballos, é posible que o Castro siga proporcionando máis estruturas e elementos arqueolóxicos.

O conxunto arqueolóxico e museístico de Viladonga

O conxunto arqueolóxico e museístico de Viladonga ocupa todo o cume dun monte desde o que se domina un amplo panorama sobre a Terra Chá lucense e as serras de Monciro e de Pradairo e a de Meira. Está situado no concello de Castro de Rei, provincia de Lugo, a 23 km ao nordeste da capital lucense.
A importancia arqueolóxica e o interese histórico do Castro de Viladonga púxose de relevo por mor das escavacións iniciadas en 1971, tanto pola monumentalidad e diversidade das estruturas descubertas como pola cantidade e calidade dos materiais aparecidos. O xacemento é un exemplo de asentamento destacado, sobre todo entre os séculos II e V d.C., moi importante para o coñecemento, estudo e comprensión do mundo castrexo tras a conquista romana. No castro continúan de forma periódica os traballos arqueolóxicos tanto de escavación como de limpeza e consolidación.
O Museo do Castro de Viladonga abriuse ao publico en novembro de 1986. Dedícase á interpretación e explicación do xacemento e á custodia e exposición dos materiais procedentes das sucesivas escavacións. Está situado entre as dúas últimas murallas ao lado sueste do Castro, moi preto do seu croa.
O museo é de titularidade estatal e xestionado pola Xunta de Galicia.

Normas de acceso

As visitas en grupo convén solicitalas con antelación, tendo en conta a conveniencia de facer subgrupos (preferentemente non superiores a 35/40 persoas), polo espazo dispoñible e para facilitar o aproveitamento didáctico da visita.

Está permitido fotografar e filmar sen trípode e sen flash, para uso particular e cubrindo un formulario de solicitude.

Horario Museo: 
Aberto todos os días (excepto 24, 25 e 31 de decembro e 1 e 6 de xaneiro)
De marzo a outubro: de 10 a 20 h.
De novembro a febreiro: de 10 a 19 h.
Castro:
Acceso libre todos os días do ano. TarifaEntrada gratuíta ao castro e ao museo

Fuente//Concello 

- Publicidade -

ÚLTIMA REVISTA

+ VISTOS

SÍGUENOS

691FansGóstame
306SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies