Inicio Galicia Os grupos COREN e Terras Gauda aúnan experiencia en I+D+i con tradición...

Os grupos COREN e Terras Gauda aúnan experiencia en I+D+i con tradición para elaborar o novo “lacón con grelos Coren-A Rosaleira”

Os grupos COREN e Terras Gauda aúnan experiencia en I+D+i con tradición para elaborar o novo lacón con grelos Coren-A Rosaleira

A cooperativa líder no sector agroalimentario cárnico de España e o grupo adegueiro, a través da conserveira vexetal, presentaron onte no Pazo de Mos “o lacón con grelos en conserva”, un produto emblemático da gastronomía autóctona con ingredientes de máxima calidade que manteñen intactas as súas propiedades nutricionais

Os Grupos Coren e Terras Gauda -a través da Rosaleira Conservas Vexetais-, unen forzas para presentar o seu novo lacón con grelos en conserva, elaborado a partir de produtos de máxima calidade procedentes de Galicia. A experiencia en I+D+i resultou fundamental para preservar e potenciar as propiedades nutritivas e a alta calidade duns ingredientes que representan os estándares de excelencia de ambas as compañías.

O lacón con grelos Coren – A Rosaleira, que remite á mellor tradición gastronómica de Galicia, elabórase con lacón oreado e chourizos Selecta de porcos alimentados con castañas, ademais de grelos e patacas. Está concibido como un produto para o día a día, rápido e nutritivo, listo para consumir. Ademais carece de glute e lactosa.

Os grupos COREN e Terras Gauda aúnan experiencia en I+D+i con tradición para elaborar o novo "lacón con grelos Coren-A Rosaleira"
O presidente de Terras Gauda, José María Fonseca, e o de Coren, Manuel Gómez Franqueira, presentaron o resultado desta fusión empresarial e gastronómica no Pazo de Mos.

O lacón e o chourizo de Coren proceden exclusivamente de porcos Selecta criados de modo tradicional en Galicia e alimentados con castañas galegas. A cooperativa apostou, a través da súa gama Selecta, por recuperar o mellor da tradición autóctona, plasmada na crianza ancestral dos porcos. A súa alimentación a base de castañas dá como resultado unha carne veteada e de excelente sabor.

Cooperativa líder no sector agroalimentario cárnico de España, e unha das máis importantes a nivel mundial, Coren ten desde hai máis de 55 anos o firme compromiso de producir alimentos frescos, 100% galegos, de máxima calidade, baseándose nos valores de benestar animal, medio ambiente, trazabilidad e innovación.

A Rosaleira, incorporada ao Grupo Terras Gauda en 2007, realiza unha supervisión integral dos grelos, amparados pola Indicación Xeográfica Protexida Grelos de Galicia, comezando por unha simiente propia que é facilitada a agricultores de plena confianza. Un equipo propio supervisa sobre o terreo que o vexetal se atopa nas mellores condicións. Nas instalacións do Rosal selecciónase manualmente, escollendo unicamente as mellores follas, e sométese a un procedemento de escalfado que mantén intactas as súas recoñecidas propiedades antioxidantes. A pataca, da variedade Kennebec, cultívase na Limia e está amparada pola Indicación Xeográfica Protexida Pataca de Galicia.

Á presentación acudiron o presidente do Grupo Coren, Manuel Gómez- Franqueira Álvarez; o responsable de Conservas do Grupo Coren, Fernando Córdoba; o presidente do Grupo Terras Gauda, José María Fonseca Moretón; o responsable da Rosaleira Conservas Vexetais, Luís de Lorenzo e directivos de ambos os grupos empresariais


- Publicidade -

ÚLTIMA REVISTA

+ VISTOS

SÍGUENOS

691FansGóstame
306SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies