Inicio Galicia O V Foro de Coprodución Portugal-Galicia abre a convocatoria para reunir empresas...

O V Foro de Coprodución Portugal-Galicia abre a convocatoria para reunir empresas audiovisuais de ambos países en Arnoia

O V Foro de Coprodución Portugal-Galicia abre a convocatoria para reunir empresas audiovisuais de ambos países en ArnoiaOs representantes das produtoras de cinema e televisión acreditadas manterán xuntanzas personalizadas na procura de socios estratéxicos para os seus proxectos

O Encontro Profesional de Coprodución Portugal-Galicia abre o proceso inscrición para as empresas audiovisuais de ambas as beiras do Miño interesadas en participar na súa quinta edición, que terá lugar os días 14 e 15 de novembro no Balneario de Arnoia (Ourense). Como en anos anteriores, este foro bilateral está convocado conxuntamente pola Consellería de Cultura e Turismo, a través da Axencia Galega das Industrias Culturais (Agadic), e o Instituto do Cinema e do Audiovisual (ICA) de Portugal.

Esta iniciativa, para a que se conta tamén coa colaboración da Unión Europea mediante o subprograma MEDIA-Europa Creativa, busca facilitar o contacto directo entre produtoras galegas e portuguesas na procura de socios estratéxicos para a coprodución dos seus proxectos audiovisuais de cinema e televisión, tanto no ámbito da ficción como no da animación ou documental. O obxectivo é ampliar as súas oportunidades de financiamento, ao tempo que se favorece o intercambio de profesionais técnicos e artísticos e se abren novas canles de distribución e difusión.

Seguindo a súa estrutura habitual, o encontro articúlase arredor de reunións bilaterais, cunha axenda previamente definida pola organización para aquelas compañías que acudan con proxectos audiovisuais en fase de desenvolvemento. Estas xuntanzas están programadas para a tarde do venres 15 de novembro.

Este ano, ademais, inclúense tres sesións específicas impartidas por profesorado do EAVE, Eurodoc e APostLab, tres prestixiosos programa formativos europeos do ámbito audiovisual, que estarán orientadas a aspectos relacionados coa coprodución internacional.

As empresas galegas interesadas en participar nesta quinta edición do Encontro Profesional de Coprodución Portugal-Galicia deben remitir un correo previo a audiovisual.agadic@xunta.gal antes do venres 18 de outubro para solicitar o envío do formulario de rexistro na actividade e de inscrición de proxectos.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies