Inicio Val Miñor Baiona O talento rebelde de María Vinyals chega a dous institutos de Mos...

O talento rebelde de María Vinyals chega a dous institutos de Mos e Baiona

O talento rebelde de María Vinyals chega a dous institutos de Mos e BaionaO libro ‘María Vinyals, un talento rebelde chega ao IES de Mos e ao Primeiro de Marzo de Baiona da man da deputación de Pontevedra

Os actos de presentación celebraranse este martes 9 e o mércores 10 de abril con case 200 estudantes dos cursos de 1º e 2º da ESO

Coa presenza da deputada de Igualdade, Isaura Abelairas, a Deputación de Pontevedra presentará este martes 9 de abril, ás 11:00 horas, o libro “María Vinyals. Un talento rebelde” no IES de Mos, diante de 136 alumnos e alumnas de 2º da ESO. Ao día seguinte, ás 13:00 horas, chegará ao IES Primeiro de Marzo de Baiona para presentarse ante 54 rapaces e rapazas de 1º da ESO. O obxectivo destes dous actos é dar a coñecer a historia de María Vinyals e levar o seu legado a prol da igualdade aos centros educativos da provincia.

A obra está escrita por Isabel Blanco, ilustrada por Luz Beloso, editada pola editorial Belagua, e conta co asesoramento histórico de Silvia Cernadas. A Deputación colaborou na edición e impresión da primeira edición, da que saíron 1.500 exemplares, que se están a distribuír integramente nos centros educativos, mentres que as próximas edicións que se fagan xa se comercializarán.

Ademais da distribución desta obra, a institución provincial tamén está a organizar charlas-coloquio sobre María Vinyals, onde persoas expertas na súa vida afondan na súa figura e dan a coñecela mellor entre os e as escolares. Con esta iniciativa, o que se pretende é seguir reivindicando a figura de María Vinyals, unha pioneira na defensa da igualdade entre homes e mulleres que deixou unha forte pegada na provincia de Pontevedra, en Galicia e no mundo enteiro.

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies