O pasado fin de semana tivo lugar na canle olímpica do Parque do Segre da Seo de Urgel a 1º Copa de España de Slalom Olímpico do ano, esta competición ademais era selectiva para conformar os equipos nacionais Senior Absoluto, Sub23 e Xuvenil, que participarán no Campionato de Europa do próximo mes de Maio en Eslovaquia, un campionato onde os senior optan á clasificación para os JJOO de Brasil 2016.
O formato de competición dividíase en dúas probas cada día, o sábado disputábanse do mangas e o domingo outras dúas, a suma dos dous días de competición decidían os vencedores da copa.
O padeeiro de Salceda de Caselas pertencente ao Club Deportivo Miño, Luís Fernández logrou a medalla de prata en C1 Senior por detrás de Ander Elósegui, terceiro sería Jon Erguin. Este resultado clasifícalle para o selectivo que se celebra o próximo fin de semana en Pau, un magnífico resultado no seu primeiro ano de senior.
Ainhoa Lameiro do Club Piragüismo Penedo levou a vitoria en K1 na categoría Cadete por diante de Carla Carrillo, a terceira praza foi para Sara Bugarín do Club Tea de Mondariz, con este posto Ainhoa lograba clasificarse para o selectivo da categoría Xuvenil.
A propia Ainhoa conseguiría tamén a terceira posición en K1 Muller Xuvenil, este posto outórgalle a oportunidade de competir no selectivo da categoría Sub 23.
Brais Castro do Club Deportivo Miño foi segundo en C1 Home Xuvenil, Miguel Angel Lorenzo do Club Piragüismo Penedo terminou segundo en C1 home cadete, Jorge Quintáns do Sen Siras conseguiu a cuarta posición en K1 Home Cadete. Manuel Ochoa do Club Deportivo Miño terminou quinto en K1 Home Xuvenil, posto que lle dá a opción de acudir ao selectivo de Pau na categoría Xuvenil.
