Inicio Val Miñor Baiona O salón de plenos do Concello de Baiona acolleu un pleno infantil...

O salón de plenos do Concello de Baiona acolleu un pleno infantil no que participaron 45 alumnos do C.E. P. Sabarís

O salón de plenos do Concello de Baiona acolleu un pleno infantil no que participaron 45 alumnos do C.E. P. SabarísO salón de plenos municipal de Baiona acolleu este luns un pleno infantil no que participaron 45 alumnos do curso de 5º e 6º de Primaria do C.E. P. Sabarís.

O alcalde, Angel Rodal e a concelleira de Educación, Beatriz González, deron a benvida ao alumnado ás dependencias municipais e explicáronlles o funcionamento dunha sesión plenaria.

Os nenos e nenas do C.E. P. Sabarís elixiron a un alumno como Alcalde e a outros compañeiros como representantes da oposición para logo cada un deles elixir os membros do seu equipo. Tamén nomearon a unha secretaria e a unha interventora para levar a cabo un pleno real entre eles.

O resto de alumnado xogou o papel de público. O alumno/alcalde elevou unha proposta a este peculiar pleno infantil e o resto de nenas e nenos que formaban parte da corporación expuxeron os seus argumentos a favor e en contra.

Finalizadas as intervencións, Rodal e González felicitaron aos nenos e nenas polo bo traballo realizado, pero, sobre todo, quixeron mostrar a súa satisfacción ante o talente e a capacidade de dialogo do alumnado. Tamén neste sentido, a concelleira de Educación dixo sentirse “emocionada pola claridade de ideas que mostrastes sobre temas relativos á educación e ao voso centro de estudos”.

A última parte do pleno foi para as preguntas onde novamente os pequenos deron renda solta á súa imaxinación. O obxectivo desta actividade coordinada pola Concellería de Educación e a dirección do centro é que, ademais de mostrar as dependencias municipais, con esta actividade os escolares familiarízanse dunha maneira divertida coa política municipal, que é a que máis lles pode afectar.

Rodal e González asistiron ao pleno e afirmaron estar moi atentos as propostas, aínda que moitas delas eran moi “ fantasiosas”. Ao longo do mes de xuño o Concello recibirán a máis alumnado dos diferentes centros de educación primaria de Baiona. Outros centros deixaron para o mes de outubro esta bonita actividade coordinada entre a Concellería de Educación e a dirección dos centros de educación primaria.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies