A Real Academia de Belas Artes decidiu incorporar como Académico de número da Sección de Música ao doutor e pianista e Alejo Amoedo Portela. Así o votou o pasado sábado 28 de outubro de 2023 na Sala do Padroado do CGAC (Centro Galego de Arte Contemporánea) de Santiago. Amoedo entra nesa sección da RAGBA na que xa están Maximino Zumalave e Juan Durán, e da formou parte Rogelio Groba ata a súa morte en xaneiro deste mesmo ano.
Entra na Sección de Música da Academia de Belas Artes na que estaba o falecido Rogelio Groba
Alejo Amoedo Portela é doutor pola Universitat Politècnica de València UPV e está especializado no repertorio de compositores e compositoras galegas. É un dos integrantes do Asociación Cultural Pertenza, asesor da Fundación Reveriano Soutullo Otero e membro fundador da Irmandade da Música Galega, que ten como obxectivo a preservación e divulgación da música galega. Tamén foi elixido membro electivo do Plenario do Consello Da Cultura Galega e nomeado vogal da súa Comisión Executiva, así como coordinador do Arquivo Sonoro de Galicia do CCG.
A súa ampla traxectoria, no eido da música de cámara, levouno á realización de numerosos recitais así como á súa participación, tanto como solista ou acompañante en un grande número de traballos musicais. Así mesmo, foi pianista acompañante nos conservatorios profesionais de Pontevedra e Vigo; na Escola Superior de Música e dás Artes do Espectáculo de Porto (Portugal); e na Escola de Altos Estudos Musicais de Santiago de Compostela. Na actualidade pertence ao Corpo de Catedráticos de Música e Artes Escénicas da Xunta de Galicia na especialidade de Repertorio para Piano con Instrumentos, con destino no Conservatorio Superior de Vigo.
