O Monte Real Club de Yates renovou un ano máis a bandeira azul que distingue ao seu porto deportivo polo coidado ambiental das infraestruturas, a calidade das augas e a excelencia dos nosos servizos náuticos
A Asociación de Educación Ambiental e do Consumidor (ADEAC) incluíu ao Monte Real na lista de 11 portos deportivos de Galicia, 5 deles na provincia de Pontevedra, que obteñen este ano o distintivo de ‘porto deportivo bandeira azul‘.
O club consolida así unha distinción que mantén, de forma ininterrompida fóra dun ano, desde 1988, cun programa ambiental específico que recolle actuacións relacionadas coa auga, os residuos, o consumo de enerxía, a seguridade ou a saúde, entre outras accións.
Ademais do porto deportivo do MRCY, en Baiona onderán este ano bandeiras azuis en 6 praias: Barbeira, Concheira, Os Frades, Ladeira, Ribeira e Santa Marta.