·Publicidade ·spot_img
InicioVigo e áreaSoutomaiorO mellor amigo, tamén nas aulas

O mellor amigo, tamén nas aulas

O mellor amigo, tamén nas aulasOs alumnos da escola infantil de Romariz de Soutomaior participaron nun taller de estimulación sensorial asistida por cans

“ Uma”, así se chama a Golden Retriever que esta mañá visitou aos alumnos da escola infantil de Romariz dentro do programa xuvenil de intervención social nos centros educativos organizado polo Concello de Soutomaior. A iniciativa busca, mediante a axuda dos animais, mellorar as capacidades sensitivas e motoras dos alumnos.

Dado que o can non fala o mesmo linguaxe que eles, os nenos necesitan usar medios como a linguaxe corporal para entenderse. Unha acción coa que os profesionais buscan que o neno empatice co can e cre un vínculo con el para comprender como sente. Desta maneira preténdese mellorar a capacidade motora do neno á vez que se potencian as súas habilidades de relación e expresión. Calidades que mellorarán as relacións interpersoais do neno durante toda a súa vida.

Segundo indican desde a empresa organizadora destes talleres, a relación cos cans incrementa os niveis de oxitocina nas persoas. Unha hormona que nos axuda a diminuír a tensión, combater os efectos da depresión á vez que mellora a construción de relacións de confianza.

A edil de Igualdade, Cristina González, visitou o desenvolvemento desta iniciativa que cualificou como “moi nova e práctica. É todo un acerto apostar polos animais na educación porque conectan cos nenos dunha maneira moi especial e axúdannos a inculcar valores moi positivos “.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies