O club de Tui vence con autoridade en Trasona, conseguindo 10 medallas, 5 de ouro, 4 de prata e 1 de bronce. Con este triunfo segue liderando a liga Hernando Quella.
O Kayak Tudense logrou a vitoria na segunda competición da liga Hernando Quella que se disputou no encoro de Trasona (Avilés) este fin de semana, os de Tui sumaron un total de 902 puntos, o segundo clasificado foi o Escola de Piragüismo Aranxuez que sumou 501, terceiro sería o Club Náutico de Palma con 516 puntos.
Con este triunfo o equipo Tudense é máis líder da liga ao sumar 210 puntos avantaxando ao equipo de Aranxuez en 6 puntos que suma 204, na terceira posición atópase o Náutico Sevilla con 195 puntos.
O éxito da delegación galega faise patente ao comprobar as clasificacións nas distintas copas por sexos que se disputaban nesta competición. En categoría senior o Kayak Tudense foi primeiro en homes e o Breogán do Grove en mulleres. A categoría xuvenil tamén deixou bos resultados e o Piragüismo Portonovo conseguiu o segundo posto en homes, sendo o vencedor en mulleres o Club As Torres Romaría Viquinga.
A estes éxitos por equipos hai que sumarlle a multitude de medallas conseguidas polos deportistas galegos na competición asturiana. Na mañá do sábado disputáronse as finais individuais onde Roi Rodríguez-Kayak Tudense impoñíase no K1 1000 metros ao campión olímpico Marcus Cooper nun apertado final, con este triunfo o tudense dá mostra dun bo estado de forma para o seu obxectivo desta tempada para ser o representante español nas competicións internacionais, para isto terá que gañar o selectivo que se celebrará dentro de tres semanas nesta mesma pista. Na modalidade de canoa os galegos Adrían Siero-Piragüismo Poio, Brais Casás-Kayak Tudense e Diego Romero-Breogán conseguían as tres primeiras posicións respectivamente.
Na categoría Xuvenil Luís Rodríguez-Piragüismo Portonovo subíase ao segundo caixón do podio en K1, este posto dálle a praza para acudir ao campionato do mundo da categoría. Pola súa banda, David Barreiro do Náutico Rodeira foi o vencedor no C1 1000, segundo e terceiro entraron en axustado final Noel Domínguez-Breogán e Pablo Rodríguez-Piragüismo Poio. En mulleres Carolina García-C.E.P. Cidade de Pontevedra terminou segunda en K1 e María Pérez-Ou Muiño levou o ouro en C1 por diante de Antía Jácome-E.P.Cidade de Pontevedra.
Pola tarde entraron en competición as embarcacións dobres onde demostrouse o potencial galego, das 12 medallas en xogo na categoría senior 9 viñeron para terras galegas. En kaiak as tres primeiras posicións foron para embarcacións galegas, os tudenses Gabriel Campo e Rubén Millán foron ouro, Rodrigo Germade e Óscar Carreira-Náutico Betanzos prata e Roi Rodríguez e Emilio Llamedo bronce. O mesmo sucedía na canoa e o triplete galego era para Adrián Sieiro e Sergio Vallejo-Piragüismo Poio, José Luis Bouza e Brais Casás-Kayak Tudense e Diego Romero xunto con José Sánchez-Breogán. En mulleres kaiak as padeeiras do Breogán Tania Álvarez e Natalia García foron segunda e terceiras Tania Fernández e Lorena Jubón-Fluvial de Lugo. En canoa Arancha Rodríguez e Andrea Vázquez do Rías Baixas Náutico Boiro terminaron en segunda posición.
O medalleiro galego seguió crecendo durante a tarde da man dos padeeiros xuvenís. O kayakistas Luís Rodríguez e Francisco Silva-Piragüismo Portonovo facíanse coa medalla de ouro. David Barreiro e Pablo Graña-Náutico Rodeira levaban o ouro en C2, na mesma proba Noel Domínguez e Juan Ortiz-Breogán foron bronce.
Xa na xornada dominical celebrábanse as probas nas embarcacións K4 e C4 onde o número de metais seguía aumentando para Galicia e en particular para o Kayak Tudense.
As dúas embarcacións K4 do club de Tui lograban o primeiro e segundo posto na distancia de 1000 metros. En canoa foi a tripulación do Piragüismo Poio a vencedora por diante da embarcación do Kayak Tudense. En mulleres repetía triunfo a K4 de Tui nunha final na que as mozas do Breogán foron terceiras.
Na categoría Xuvenil a K4 do Piragüismo Portonovo foi segunda na final da distancia de 1000 metros e primeira na distancia de 500 metros. Os canoistas do Náutico Rodeira levaron a prata en C4 e as mozas do Club As Torres Romaría Viquinga foron primeiras en K4.
