Inicio Pontevedra O Concello de Nigrán recolle a testemuña da Fundación Menela para...

O Concello de Nigrán recolle a testemuña da Fundación Menela para concienciar á sociedade sobre o autismo

o-concello-de-nigran-recolle-a-testemuna-da-fundacion-menela-para-concienciar-a-sociedade-sobre-o-autismo-3

Con este xesto, o consistorio amosa o seu compromiso para promover no a inclusión e o respecto ás persoas con este trastorno no municipio

O alcalde de Nigrán, Juan González, recolleu esta mañá a testemuña da Fundación Menela da man do seu director xeral, Cipriano L. Jiménez, no marco da campaña “Pásalo por el autismo”, que ten como obxectivo cederlle o compromiso á sociedade para promover a “Inclusión, tolerancia e respecto” das persoas con Trastorno do Espectro do Autismo (TEA). Con este xesto, o consistorio vén amosar o seu apoio e responsabilidade non só cos afectados senón tamén coas súas familias.

Ao acto tamén acudiron a psicóloga Antía Fernández, Axente de Emprego da Federación Autismo Galicia, e André Chapela, un dos usuarios do Centro “Castro Navás” de Priegue, do que é titular a Fundación Menela. O rexedor aproveitou para trasladarlles que o Goberno municipal está a traballar nun proxecto para mellorar a accesibilidade no entorno de Nigrán. “Queremos unha localidade para toda a cidadanía, independentemente das súas capacidades, por iso estamos a elaborar un plan que rompa barreiras cognitivas e físicas”.

o-concello-de-nigran-recolle-a-testemuna-da-fundacion-menela-para-concienciar-a-sociedade-sobre-o-autismo-3

A entrega da testemuña coincide coa proximidade do Día Mundial de Concienciación sobre o Autismo (DMCA), que se celebra cada 2 de abril dende 2007 para pór de relevo a necesidade de mellorar a calidade de vida dos nenos e adultos autistas para que poidan ter unha vida plena e digna. Para a Fundación Menela, a xornada deste ano ten, se cadra, maior relevancia, xa que se cumpren 40 anos da apertura do seu primeiro centro en Vigo. Dende entón, a entidade non deixou de medrar, creando unha Rede de Centros que na actualidade presta atención continuada a un total de 85 usuarios e ofrece servizos esporádicos a unhas 120 persoas ao longo do ano.

o-concello-de-nigran-recolle-a-testemuna-da-fundacion-menela-para-concienciar-a-sociedade-sobre-o-autismo-3Con motivo do seu aniversario e da celebración do Día Mundial do Autismo, a fundación organiza o sábado 9 de abril o seu primeiro concerto solidario, que constituirá ademais unha homenaxe a Carlos Veiga, director da Orquestra “Castro Navás”. A actuación “Del Amor y Otros Demonios”, a cargo do dúo Pilar e Arabel Moráguez, será ás 20.00 horas no Teatro Afundación de Vigo cun custe de 6 euros.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies