O Concello de Bueu organiza o próximo sábado, 25 de maio, o acto de entrega dos Premios Johan Carballeira
O acto de entrega dos Premios, terá lugar ás 12 horas no Centro Social do Mar e ao que asistirán Xosé Luís Mosquera Camba, gañador na categoría de poesía, e Lois Pérez, na de xornalismo.
Ademais, contarase con espectáculo “Indóciles”, no que Vero Rilo, Nuria Vil e Mónica De Nut sorprenderán con narración, poesía e música para expresar a forza da figura e obra de Luísa Villalta, homenaxeada das Letras Galegas deste ano.
