Inicio Baixo Miño O Club de Fútbol Guillarei volve a actividade na temporada 2016/17

O Club de Fútbol Guillarei volve a actividade na temporada 2016/17

o-club-de-futbol-guillarei-volve-a-actividade-na-temporada-201617

O Club de Fútbol Guillarei volverá á competición na temporada 2016/17 tras tres anos de ausencia de actividade. Unha nova directiva encabezada por Juan Carlos Coello asume con ilusión o reto de pór de novo en marcha ao equipo. Contan xa con adestrador, o salcedense Pedro Pirelo, en quen confían para  a formación do equipo que militará na 3ª Rexional.

O novo club foi presentado esta mañá na casa do concello de Tui polo alcalde, Enrique Cabaleiro, e o concelleiro de Deportes, Laureano Alonso, acompañados pola directiva integrada Juan Carlos Coello, presidente; Manuel Rodríguez, vicepresidente; Manuel Solla, tesoureiro, e José Luís Freijeiro e Alejo Gregores, directivos.

o-club-de-futbol-guillarei-volve-a-actividade-na-temporada-201617

Enrique Cabaleiro, alcalde de Tui, indicou que é “unha magnífica noticia que o Guillarei recupere a actividade” polo feito de que Tui é un referente transfronteirizo a nivel deportivo e polo bo momento que vive o deporte a nivel local. Agradeceu á directiva a súa valentía de embarcarse nesta aventura e o sacrificio persoal que supón.

O concelleiro de Deportes, Laureano Alonso, destacou o mérito dos directivos e o esforzo realizado para pór en marcha novamente o club, o tempo que destacaba que o campo de fútbol de Guillarei, de herba natural, está nunhas condicións óptimas.

O presidente do C.F. Guillarei, Juan Carlos Coello, explicou que o seu obxectivo é “recuperar a ilusión polo fútbol” na parroquia e aspiran a que a meirande parte do equipo estea formado por veciños de Guillarei. O seu plantexamento é ir pouco a pouco, comezando este ano cun único equipo en 3ª Rexional, e aspirando en próximas temporadas a poder contar tamén con equipos nas categorías base e mesmo cun equipo feminino.  Quixo agradecer tanto o apoio do Concello coma de distintas casas comerciais no inicio deste novo proxecto.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies