O Centro Cultural de Peitieiros convoca o III Certame Literario co que quere celebrar o Día das Letras Galegas.
O premio será fallado o día 22 de maio, ás 19 horas no acto que sobre as Letras galegas se desenvolverá no Centro Cultural de Peitieiros, en que as e os gañadores darán lectura á súa obra
“O idioma é a chave coa que abrimos o mundo”, Manuel María
Bases:
Ø Poderá participar calquera persoa que resida en Gondomar cunha obra escrita en galego (normativa oficial).
Ø Admitiranse textos en prosa ou verso, dunha extensión máxima de dúas páxinas (corpo da letra 12, interlineado 1,5).
Ø O prazo de presentación remata o día 12 de maio.
Ø As obras deberán presentarse sen nome da/o autor/a nun sobre pechado na caixa do correo do Centro Cultural de Peitieiros (adro da Igrexa de Peitieiros), acompañadas doutro sobre pechado dentro do cal estarán o nome, idade, domicilio e teléfono da/o autor/a. No exterior do sobre deberase indicar a categoría en que se participa.
Ø Establécense tres categorías:
- a) até os 12 anos
- b) de 12 a 18 anos
- c) de 18 anos en diante
Ø Haberá un premio por cada categoría, consistente nun lote de libros.
Ø A decisión do xurado será inapelábel. A participación no concurso implica a aceptación destas bases.
Ø O premio será fallado o día 22 de maio, ás 19 horas no acto que sobre as Letras galegas se desenvolverá no Centro Cultural de Peitieiros, en que as e os gañadores darán lectura á súa obra.