·Publicidade ·spot_img
InicioPontevedraO Camiño Portugués da Costa conta cunha nova área de descanso para...

O Camiño Portugués da Costa conta cunha nova área de descanso para peregrinos no seu tramo polo municipio da Guarda

O Camiño Portugués da Costa conta cunha nova área de descanso para peregrinos no seu tramo polo municipio da GuardaA Xunta financia na Guarda unha nova área de descanso para peregrinos no seu tramo municipal do Camiño Portugués da Costa

A directora de Turismo, Nava Castro, subliñou a importancia destas pequenas intervencións tanto polo seu impacto visual como pola mellora da experiencia do peregrino. “Levamos moito tempo traballando para que o Camiño estea preparado para recibir aos peregrinos en canto as condicións sanitarias o permitan”, asegurou, ao tempo que fixo fincapé na mellora paisaxística como un dos grandes piares de actuación no Camiño de Santiago.

A directora de Turismo de Galicia visitou hoxe a zona acompañada do delegado territorial da Xunta e o alcalde do concello, para poñer en valor a nova área de descanso coa que conta o Camiño Portugués da Costa, que comeza precisamente no concello da Guarda

Trátase dunha acción que se levou adiante en terreos mancomunados da veciñanza do municipio, algo que Nava Castro puxo en valor no acto, no que estivo acompañada polo delegado territorial da Xunta, Luis López, o alcalde da Guarda, Antonio Lomba, e o representante da Xunta Veciñal dos montes mancomunados, Manuel Castro.

A nova área de descanso ocupa un espazo de preto de 1,8 quilómetros cadrados nos que se colocou unha zona axardinada con árbores, mesas e bancos nunha actuación que contou cunha subvención de 10.000 euros. Esta área de descanso, precisamente, beneficiouse da liña de axudas da Xunta para actuacións de mellora paisaxística e de embelecemento de bens e recursos que se atopen no Camiño de Santiago, á que a Xunta destinou o ano pasado 1,2 millóns.

Para este ano, esta liña de axudas increméntase nun 25% ata chegar aos 1,5 millóns de euros o que permitirán incrementar o número de actuacións de mellora en todos os itinerarios do Camiño de Santiago, mellorando a imaxe que os peregrinos se levan do Camiño e do seu percorrido por Galicia.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies