O próximo día 15 de maio o Auditorio Municipal do Rosal acollerá o espectáculo ‘A galiña azul’, unha adaptación teatral do libro de Carlos Casares do mesmo nome, realizada por Ubú Teatro.
Destinada a público de entre 6 a 10 anos, está previsto que asistan todos os escolares de primaria dos concellos de Oia e O Rosal.
O espectáculo forma parte de FalaRedes 2017, un programa de dinamización lingüística promovido dende a Xunta en colaboración coa Concellería de Cultura do Concello de Baiona.
O libro toma a forma dunha carta enviada a unha nena e nel aparecen personaxes inesquecibles coma Leoncio, un tolo moi cordo que inventa canóns que disparan caramelos e bombas da felicidade; a abnegada formiga esquiadora que partiu unha perna; ou, por suposto, a misteriosa galiña azul “con cinco plumas vermellas nunha á”, que pon ovos de cores e ten alarmadas ás autoridades.
A obra consta de cinco relatos que se van entrelazando para transmitir mensaxes como a defensa da lingua, a importancia das diferenzas ou a liberdade de expresión e para logralo empréganse diferentes técnicas, como a narración oral, a manipulación de monicreques ou o clown.
Será un boa oportunidade de achegarse a unha obra emblemática de Carlos Casares, autor ao que este ano a Real Academia Galega lle dedica o Día das Letras. Nesta actividade do FalaRedes, producida pola editorial Galaxia, están presentes valores tan importantes como a diversidade lingüística, a importancia das diferenzas ou a liberdade de expresión. A compañía responsable da adaptación, inegrada polos actores Ana Carreira e Manu Polo.
