spot_img
InicioVal MiñorNigránNigrán será escenario do tour 2021 da escola de Rock Paredes de...

Nigrán será escenario do tour 2021 da escola de Rock Paredes de Coura

Nigrán será escenariodo tour 2021 da escola de Rock Paredes de CouraO Campo de fútbol de Lourido acollerá desde as 19:00 horas este evento no que tamén intervirán músicos da escola de rock de Nigrán ‘Gain Over’

O Concello de Nigrán pechará este xoves ás 19:00 horas no campo de fútbol de Lourido o tour 2021 da Escola de Rock de Paredes de Coura (Portugal). No mesmo participarán alumnos e profesores da escola de rock local ‘Gain Over’ co fin de intercambiar experiencias e coñecementos. No espectáculo, de entrada libre e con aforo limitado por protocolo covid-19, o público asistente poderá gozar de versións de temas clásicos do rock e contemporáneos, prestando especial atención a cancións que marcaron a historia do festival desta vila lusa.

“É unha cita imprescindible para todo amante do rock e da música en directo e unha gran oportunidade para coñecer de preto a gran valía desta escola e a de Nigrán, Gain Over, ese intercambio cultural é especialmente valioso”, indica o alcalde, Juan González, quen destaca “a gran motivación que significa para os alumnos ofrecer un concerto destas características”.

Escola do Rock Paredes de Coura

A Escola do Rock Paredes de Coura naceu en 2014, na terra do icónico Festival Paredes de Coura, contribuíndo ao fomento deste xa clásico romance entre a vila e o rock’n’roll. Decorre en períodos de curta duración, este ano do 18 al 23 de xullo, nun formato de residencia artística e campo vacacional con actividades que varían entre ensaios, formacións, sesións de cinema, concertos e moito máis. Todos os anos, a Escola do Rock organiza un tour con concertos en condicións inéditas para o alumnado e profesorado, reunindo a unha trintena de músicos no escenario. Os grupos da Escola do Rock xa actuaron en moitos festivais, así como en algunhas das mellores salas de espectáculo de Portugal e Galiza, como: Festival Vodafone Paredes de Coura, Serralves em Festa (Museu de Serralves, Porto), Verão na Casa (Casa da Música, Porto), SURFING THE LEREZ (Pontevedra, Galiza), NOS Primavera Sound (Porto), Hard Club Porto, Fundación Barrié (Vigo), entre outros.

- Publicidade -spot_img