Inicio Pontevedra Nigrán recibirá preto dun millón de euros do Plan de Concellos da...

Nigrán recibirá preto dun millón de euros do Plan de Concellos da Deputación

A presidenta da Deputación entrega un anticipo ó Concello de Nigrán no marco da nova forma de xestión do goberno provincial
No ano 2016 o Goberno provincial de Carmela Silva destinou en total a este municipio máis de dous millóns de euros

A Deputación de Pontevedra achegará este ano un 2,36% máis de recursos ao Concello de Nigrán no marco do “Plan Concellos 2017”. Deste xeito, este municipio da comarca viguesa recibirá un total de 970.010,12 €, 22.386,51 euros máis que en 2016, ano no que xa tivo un 36% de incremento respecto do 2015 (o que se traduciu en 249.857,41 € máis). Á marxe do Plan Concellos, Nigrán recibirá este ano outras axudas e subvencións, enmarcadas nas diferentes áreas de actividade da Deputación de Pontevedra, ás que o Concello poderá concorrer.

Investimentos totais durante 2016

 Durante o ano 2016 a Deputación de Pontevedra destinou a Nigrán un total de 2.043.753,28 euros, dos cales 947.623,61 € correspondéronse co “Plan Concellos 2016”. Ademais, a institución provincial investiu 355.106,02 € en mobilidade, 91.409,67 € en cohesión social e xuventude, 41.722,11 € en cultura e lingua, 109.051,68 € para o fomento do emprego, 55.134 € para o impulso do deporte e outros 8.791,75 € para a igualdade entre mulleres e homes.

En concreto, a través da liña 1 do “Plan Concellos”, investíronse 699.346,22 € para a rehabilitación da escola, parque e zona deportiva en Priegue; creación dun parque na rúa Ana Isabel Costas, en San Pedro; creación dun espazo público na rúa San Roque en Camos; parque mestre Xosé Vázquez Grela en Nigrán; humanización do torreiro en Parada; pavimentación de varios viais; renovación da iluminación pública en Chandebrito; mobiliario urbano na alameda de San Campio; parque biosaudable en Chandebrito e parque infantil de San Roque en Camos. Ademais, recibiu 35.062,08 € na liña 3, que foron destinados a actividades culturais e de lecer: Carreira Nigrán Area, Festival Nigrán Jazz X Aniversario, Nadal Cultural, Entroido 2016, Festa de San Fiz 2016, Campionato Mundial de Bolos de xullo de 2016, Outono cultural, Verán en Nigrán, Campamentos de verán 2016, Guías de sendeiros e Illas estelas, II Trail e BTT Nigrán, Memoria História “Volta dos nove” e programa de cultura urbana Nigrán Deportes Urbanos: parkour. skateboard e orientación.

Grazas á liña 4, creáronse 29 postos de traballo nos servizos municipais, cun investimento de 213.215,31 €. Nigrán tamén recibiu 344.679,41 en préstamos sen xuros, 5.177,57 euros para o plan de equipamentos deportivos, 58.390,80 para o II Plan de Emprego e 13.333,33 euros para o convenio destinado a poñer en valor a fonte de Praia América (sendeiros azuis). Á marxe do “Plan Concellos 2016”, Nigrán recibiu 41.722,11 € para o fomento da cultura e a lingua, con 75 actuacións do Pontegal, así como coas axudas á rehabilitación e sinalización do patrimonio histórico-cultural e as axudas á dinamización lingüística.

Tamén se destinaron 91.409,67 € para cohesión social e xuventude, ben a través dos servizos sociais comunitarios e especializados, as axudas básicas de emerxencia e o servizo de teleasistencia domiciliaria (con 5 usuarios e usuarias) ou ben mediante os programas “En Ruta coa Depo”, “DepoTermal”, “Depo en Marcha”, “Tecendo Lazos”, “Depo Rúarte” e “Depo Aventura A Lanzada”, no que participaron 35 nenas e nenos do concello. Houbo ademais un curso de inglés.

Do mesmo xeito, Nigrán recibiu 55.134,00 € para o deporte federado de base, a Copa de fútbol Deputación de Pontevedra e diversas actividades deportivas, así como 109.051,68 € destinados ao fomento do emprego a través dos Plans de Práctica Laboral, que están a permitir que catro persoas poidan desenvolver a súa primeira experiencia laboral no Concello de Nigrán e outras sete en diversas empresas e entidades. Tamén se achegaron 8.791,75 € para o fomento da igualdade a través do programa “Conectadas 2016” e as axudas aos concellos de menos de 20.000 habitantes para o fomento da igualdade de oportunidades entre mulleres e homes e a prevención da violencia machista e outros 355.106,02 € en materia de mobilidade, en concreto para o “Plan Móvese” e as obras de sinalización horizontal nos viarios provinciais.

No adxunto pódese consultar todos estes datos no dossier de investimentos:

DOSSIER 2016 NIGRÁN INVESTIMENTOS

 

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies