spot_img
InicioBaixo MiñoMáis de 160 participantes no I Trofeo Concello de Tui de Bádminton

Máis de 160 participantes no I Trofeo Concello de Tui de Bádminton

mais-de-160-participantes-no-i-trofeo-concello-de-tui-de-badminton
Trofeo-Bádminton-Sub17

O pasado domingo, 7 de febreiro, celebrouse o I Trofeo de Bádminton Concello de Tui, sétima proba do Circuito Babolat-Deportes Carlos Miguel, organizado polo Club Bádminton Tui e Club Bádminton Rachaplumas, en colaboración co Concello de Tui. No mesmo participaron máis de 160 xogadores e xogadoras que disputaron ao redor de 300 partidos ao longo do día.

Ata Tui desprazáronse participantes de 15 entidades da provincia de Pontevedra: Club Bádminton Os Sauces de Pontevedra, CB Cangas e Colexio Compañía de María de Cangas, Colexio Ángel da Garda e Colexio Estudio de Nigrán, Club Bádminton Tui, Escolas Deportivas Municipais de Salceda de Caselas, CB Ponteareas e as entidades de Vigo Escola Rosalía de Castro, as escolas deportivas de Manuel Antonio, Pista Vermella e Etea, o Colexio Don Bosco, o CB Cies e o CB Rachaplumas.

Dende as nove da maña e ata as nove da noite o pavillón do IES San Paio acolleu unha intensa xornada de bádminton na que se xogaron trescentos vinte partidos.

As entidades de Vigo Club Bádminton Rachaplumas (4 ouros, 2 pratas e 4 bronces) e o colexio Rosalía de Castro (2 ouros, 4 pratas e 4 bronces) coparon o podium, sendo un dos destacados o club local Club Bádminton Tui, que acadou un ouro (Carla Giraldez en categoría sub13) e tres bronces (Telmo Portela en sub11, Marcos González en sub13 e Fabián Barreiro en absoluto).

O Concello de Tui desexa felicitar aos responsables do Club Bádminton Tui e do Club Bádminton Rachaplumas, Marisa Giráldez e Juan Manuel Vila, pola perfecta organización deste primeiro trofeo de bádminton e pola promoción desta modalidade deportiva entre a poboación tudense.

Trofeo-Bádminton Absoluto
Trofeo-Bádminton Absoluto
Trofeo-Bádminto-Sub11
Trofeo-Bádminto-Sub11
Trofeo-Bádminto-Sub13
Trofeo-Bádminto-Sub13

 

- Publicidade -spot_img