A Asociación de Amigos das Bibliotecas Municipais de Redondela coa colaboración das mesmas e de Radio Redondela, únese ás celebracións que en todo o estado español se levan a cabo este ano para conmemorar os 400 anos da Segunda parte do Quixote publicada en 1615.
Miguel de Cervantes non tiña inicialmente a intención de publicar unha segunda parte da obra, pero a aparición do Quixote de Alonso Fernández de Avellaneda impulsouno a crear a que para moitos é a mellor continuación da historia.
A Asociación de Amigos das Bibliotecas Municipais de Redondela, a Radio Municipal e as bibliotecas, queren sumarse a este aniversario coa gravación e emisión radiofónica de distintos fragmentos do texto que se emitirán ao longo do mes de abril na Radio Municipal de Redondela, de luns a venres, no programa matinal “A Estación” a partir das 11 da mañá e, dun modo continuado, o 23 de abril, Día Internacional do Libro, a partir das 20:00 h.
Pero as verdadeiras protagonistas desta iniciativa son todas as persoas que puxeron a súa voz para dar vida a estas pasaxes e ás que os membros da asociación e colaboradores queren agradecer a súa contribución, sen a cal este proxecto non tivese sido posible
