Inicio Pontevedra Baixo Miño Importante éxito de participación na segunda das charlas do ciclo “Manual de...

Importante éxito de participación na segunda das charlas do ciclo “Manual de Instrucións para educar” organizadas na Guarda

importante-exito-de-participacion-na-segunda-das-charlas-do-ciclo-manual-de-instrucions-para-educar-organizadas-na-guarda

Neste novo encontro, o terapeuta familiar, Esteban Figueirido, falou da importancia de dicir non, da asertividade, das normas e dos límites na educación das/os fillas/os. Os participantes escoitaron e participaron activamente, transmitindo as súas experiencias e dúbidas.

 O martes 29 de marzo, celebrouse a segunda das charlas enmarcadas dentro do ciclo “Manual de Instrucións para educar” organizadas polo Programa de Educación Familiar e a OMIX do Concello da Guarda. Este segundo encontro, que levaba por título “Ensinando a dicir non”, foi un éxito total de participación, superando amplamente as expectativas da organización.

Case cen persoas (o dobre de participación ca anterior cita) acudiron a esta charla que celebrouse na Casa dos Alonsos, dende ás 19,30 horas ata preto das 21 horas.

O terapeuta familiar, Esteban Figueirido, foi o encargado de guiar esta charla e animar aos participantes a contar as súas experiencias ou preguntar as súas dúbidas.

A participación nesta charla pon en relevo que a educación e a forma de educar, é un tema que interesa aos veciños e veciñas da Guarda e o formato participativo e práctico deste tipo de actividades atrae ao público polo que se espera que nas próximas charlas continúe o mesmo interese.

Seguintes citas

Este ciclo está composto por catro charlas. Tras a do martes, o 26 de abril terá lugar a charla que levará por nome “Pautas para fomentar a autoestima dos fillos e fillas”.

O ciclo de charlas se pechará o 24 de maio co tema “Do berce á adolescencia. Ferramentas útiles con adolescentes”.

O Concello da Guarda quere convidar a todos os pais e nais, avós e avoas, educadores/as e a todos aqueles veciños e veciñas interesados na educación a participar nestas charlas e axudar a crear un espazo enriquecedor no que falar e contar experiencias propias.

- Publicidade -

ÚLTIMA REVISTA

+ VISTOS

SÍGUENOS

680FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies