Greenpeace e Planeta Junior, líder europeo en entretemento infantil e xuvenil, lanzaron hoxe a campaña SOS ABEJAS GREENPEACE & MAYA, dirixida a concienciar e sensibilizar á infancia da necesidade de salvar ás abellas.
Con esta campaña, Greenpeace e Planeta Junior confían a La Abeja Maya, un referente educativo para moitas xeracións, o labor de fomentar o interese na mellora do medio ambiente e, ao mesmo tempo, o desenvolvemento da capacidade de nenos e nenas de informarse sobre a importancia da abella como axente polinizador.Tanto La Abeja Maya como Greenpeace comparten os mesmos valores de responsabilidade, natureza, amor, liberdade, biodiversidade, exploración, aventura e alegría.
A campaña presentouse esta mañá no espazo Mood Serrano de Madrid e contou coa presenza da actriz Manuela Velasco, embaixadora de Greenpeace. “O cambio pasa pola educación. O futuro está nos nenos nenas. E que mellor embaixadora que La Abeja Maya”, sinalou a actriz.
Tamén asistiu a xornalista Belén Carreño, que moderou o coloquio no que participaron o responsable da campaña de Agricultura de Greenpeace, Luís Ferreirim, o apicultor José Llaxacóndor e a coach en alimentación Beatriz Larrea. O acto foi introducido polo director xeral de Planeta Junior, Ignacio Segura, quen incidiu na importancia desta alianza para involucrar á infancia na conservación do medio ambiente.
O anuncio da campaña lanzouse en primicia hoxe en Youtube e, grazas a unha colaboración especial, Maya e a súa mensaxe terán un espazo destacado en Youtube Kids, onde o personaxe recomendará vídeos con consellos para axudar ás abellas.
VÍDEO DA CAMPAÑA: Greenpeace e La Abeja Maya únense para concienciar á infancia da importancia de salvar ás abellas
A existencia das estes animais é vital para o planeta. A produción de alimentos a nivel mundial e a biodiversidade terrestre dependen en gran medida da polinización, un proceso natural que permite que se fecunden as flores e dean así froitos e sementes. As abellas, e outros insectos como bolboretas e abellóns, son algúns dos grandes responsables deste proceso e, con todo, as súas poboacións están a diminuír a pasos axigantados, entre outras causas, pola perda e deterioración de hábitats. Como sinalou Llaxacóndor, “é necesario achegar aos nenos e nenas a ese marabilloso momento da natureza que é a polinización. Hai que contarllo. Ensinarlles do que son capaces as abellas”.
O ano 2018 pode ser clave na protección deste animal único: “Esperamos que 2018 sexa o ano en que, por fin, os gobernos europeos prohiban totalmente os neonicotinoides, unhas substancias tóxicas que lles causan a morte”, concluíu Ferreirim.
