O concello de Gondomar celebrou onte o seu xa habitual Desfile Infantil, que se levou a cabo na Praza da Alameda durante toda a tarde, os máis pequenos/ás da localidade puideron divertirse e ser os auténticos protagonistas do popular carnaval. O grupo “Volvoretas de Refugallo” foron os encargados de distraer, maquillar e entreter a todos os participantes, acompañados de Baile e música.
Os nenos e nenas alí presentes recibiron de mans do alcalde Fernando Guitián, do Concelleiro de Cultura Ignacio Troncoso e do Concelleiro de Vías e Obras Jesús Salgueiro un pequeno obsequio.
A festa continuará esta noite a partir das 22.00 horas, amenizada polo grupo ‘Aramio’. A partir das 00.00 horas daranse a coñecer as comparsas e carrozas gañadoras, realizándose a entrega de premios, ás tres primeiras comparsas gañadoras, facéndolles entrega dunha cesta con produtos típicos do Carnaval valorada en 150 € cada unha.
Como broche final ao carnaval 2015, en Gondomar celebrarase hoxe 18 de Febreiro o tradicional Enterro da Sardiña. Ás 19.30 horas terá lugar o funeral de Dona Sardiña e ás 20.30 horas comezará a comitiva, a lectura do testamento e o propio enterro de Dona Sardiña, que dará, por finalizado este Carnaval 2015
