Con motivo da celebración do DÍA MUNDIAL DOS HUMIDAIS, organizado por RAMSAR o 2 de febreiro, e para conmemorar esta efeméride, a Consellería de Medio Ambiente do Concello de Gondomar vai levar a cabo unha actividade divulgativa o vindeiro sábado 7 de febreiro de 2015 no río Miñor que constará dun percorrido polo bosque de ribeira e unha observación de aves, ambas as actividades guiadas por naturalistas expertos.
O percorrido polo rio Miñor servirá para descubrir e observar diferentes aspectos da súa fauna e flora. “Podemos atopar até 60 especies de aves, só neste espazo”.
“Este tipo de iniciativas son moi importantes para sumar puntos ná presentación de propostas para a inclusión no proxecto LIFE“, subliña un dos naturalistas encargados do traballo.
“O percorrido do próximo sábado será dunhas dúas horas aproximadamente e está aberto a todos os veciños de localidades próximas e non só aos de Gondomar”, dinnos.
Na súa intervención Miguel Fernández, outro dos naturalistas responsables desta iniciativa, quixo resaltar que este humidal está recoñecido como un dos mais importantes a nivel europeo e desde logo a nivel nacional, pois está incluído xa en Rede Natura.
Doutra banda continuou dicindo, que “este día o que pretende é lembrar que estes espazos ademais son importantes para a vida”.
Concurso Fotográfico. Na xornada do sábado está aberto un concurso fotográfico para todas aquelas persoas que o desexen, poden subir as súas fotos á páxina “Humedais de Gondomar”
PUNTO DE ENCONTRO E SAÍDA:
Concello de Gondomar
Sabado 7 de febreiro
Hora: 10,00h
RAMSAR:
A Convención de Ramsar é a convención sobre o medio ambiente máis antiga do mundo. Asinouse en 1971 en Ramsar (Irán) e reúne a 168 países coa misión conxunta de velar polo uso racional dos humidais. A Convención ten unha recoñecida traxectoria no traballo con países concretos, empresas do sector privado e organizacións non gobernamentais para protexer e restaurar os humidais con miras a conseguir a seguridade da auga a escala mundial.
O Día Mundial dos Humidais celébrase cada ano o 2 de febreiro, que é o aniversario da Convención de Ramsar. Desde 1997, a Secretaría de Ramsar facilita materiais cada ano para sensibilizar á opinión pública acerca da importancia e o valor dos humidais.
