Inicio Pontevedra O Morrazo O FICBUEU avanza na internacionalización irmandándose co festival Avanca en Portugal

O FICBUEU avanza na internacionalización irmandándose co festival Avanca en Portugal

cineastas-chegados-de-media-ducia-de-paises-participaron-na-cerimonia-de-entrega-de-premios-do-9o-festival-internacional-de-curtametraxes-de-bueuAs curtas premiadas o ano pasado proxéctanse hoxe no municipio de Estarreja e en setembro verase cinema portugués en Bueu

 O FICBUEU avanza na senda da internacionalización establecendo un irmandamento co festival de cinema Avanca, que nestes momentos desenvolve a súa 21ª edición en Estarreja. Os filmes premiados o ano pasado amósanse hoxe na localidade lusa, mentres que en setembro será o público de Bueu quen goce das curtas portuguesas.

O Cinema Dolce Vita Ovar acolle ás 17.15 horas a proxección de ‘Piknik’ (Alemaña), ‘Esel’ (Austria) e ‘Eco’ (Galicia), gañadoras respectivamente da Ánfora de Ouro, a Ánfora de Prata e o Premio á Mellor Curtametraxe Galega no 9º Festival Internacional de Curtametraxes de Bueu. Como contrapartida, o 15 de setembro desenvolverase dentro da programación do FICBUEU 2017 a sección Irmandade. A partir das 18 horas visionaranse no Centro Social do Mar as obras portuguesas ‘Sendas’, ‘A festa do nosso menino São Gonçalinho’, ‘Landing’, ‘Your turn’, ‘Foi o fío’ e mais a brasileira ‘A felicidade mora aquí’. As tres primeiras resultaron premiadas na anterior edición do festival Avanca.

Por outra parte, o corresponsable da programación do FICBUEU 2017, Severiano Casalderrey, atópase nestes intres en Portugal para formar parte do xurado da sección Competición Avanca, canda especialistas do país veciño e de Marrocos. Pola súa banda, o director do certame que se celebra ata o vindeiro domingo en Estarreja, António Costa, participa no xurado internacional do 10º Festival de Curtametraxes de Bueu.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies