spot_img
InicioBaixo MiñoEurocidade Tui-Valença. O valor da cooperación transfronteiriza entre Galicia e o Norte...

Eurocidade Tui-Valença. O valor da cooperación transfronteiriza entre Galicia e o Norte de Portugal

eurocidade-tui-valenca-o-valor-da-cooperacion-transfronteiriza-entre-galicia-e-o-norte-de-portugal

O director xeral de Relacións Exteriores e coa UE, Jesús Gamallo, mantivo hoxe unha xuntanza de traballo cos alcaldes de Tui e Valença. No encontro estudouse a participación da Eurocidade Tui-Valença no próximo plenario da comunidade de traballo Galicia-Norte de Portugal

A Xunta de Galicia puxo hoxe en valor o potencial das Eurocidades, como a de Tui-Valença, que permiten impulsar a cooperación e dinamizar a economía ao aproveitar os recursos en común.

Así o destacou hoxe o director xeral de Relacións Exteriores e coa UE, Jesús Gamallo, no transcurso dunha xuntanza de traballo cos alcaldes de Tui, Enrique Cabaleiro, e de Valença, Jorge Mendes, na que avaliaron as actividades conxuntas desenvolvidas por ambas vilas.

Neste sentido, os alcaldes destacaron a súa aposta por seguir impulsando a xestión conxunta e compartida de instalacións e funcións municipais, que evitan duplicidades e aforran custos, e continuar na liña de organización de eventos deportivos conxuntos.

Ademais, o encontro de hoxe serviu tamén para facer balance da cooperación transfronteiriza entre Galicia e o Norte de Portugal e dos retos que se abren para a Eurorrexión na nova etapa que se iniciará proximamente, cando Galicia asuma a presidencia da comunidade de traballo Galicia-Norte de Portugal.

Precisamente, no encontro estudouse tamén a participación da Eurocidade Tui-Valença no próximo plenario da comunidade de traballo Galicia-Norte de Portugal. Ademais, ambos alcaldes comprometéronse a continuar colaborando coa Agrupación Europea de Cooperación Territorial Galicia-Norte de Portugal e e a presentar algún proxecto conxunto que beneficie á cidadanía.

- Publicidade -spot_img