No marco do Cumio do Clima (COP 21) que se celebra en París, a ministra de Agricultura, Alimentación e Medio Ambiente, Isabel García Tejerina, entregou hoxe á secretaria executiva da Convención Marco de Nacións Unidas sobre o Cambio Climático (CMNUCC), Christiana Figueres, os máis de 1.100.000 compromisos polo clima logrados ata o momento no marco desta iniciativa que impulsan en España o Ministerio e a Fundación ECODES.
Durante a súa visita ao Cumio do Clima, García Tejerina felicitou ás máis de 750 entidades públicas e privadas e aos miles de cidadáns que se comprometeron na loita contra o cambio climático, o que, segundo a ministra, ‘demostra o alto grao de compromiso e concienciación que están a adquirir os españois para lograr un cambio de modelo económico e unha sociedade máis sustentable’.
A iniciativa “Un Millón de Compromisos por el Clima” púxose en marcha o pasado mes de xuño co obxectivo de sensibilizar a cidadáns, empresas, administracións públicas e organizacións e entidades sociais do noso país contra o cambio climático.
