Inicio Pontevedra Baixo Miño O Descenso Internacional do Miño declarado Festa de Interese Turístico Galego

O Descenso Internacional do Miño declarado Festa de Interese Turístico Galego

descenso-internacional-do-mino-declarado-festa-interese-turistico-galegoO Descenso Internacional do Miño vén de ser declarado Festa de Interese Turístico Galego. Así o aprobou esta mañá o Consello da Xunta logo da solicitude realizada polo Concello de Tui, aprobada en pleno por unanimidade en marzo de 2016.

A directora Xeral de Turismo confirmaba esta mañá a boa nova ao concelleiro de Deportes, Andrés Urseira, quen salientou que este recoñecemento é posible “grazas ao bo facer do club Kayak Tudense e a súa constancia ao longo de décadas” na organización desta proba.

A Xunta de Galicia tivo en conta para esta declaración a antigüidade, singularidade e arraigamento popular desta proba deportiva.  O Descenso Internacional do Miño celebrou o pasado mes de agosto a súa 46ª edición con record de participación reunindo a máis de 500 padeeiros. A esta proba deportiva competitiva, organizada polo Kayak Tudense, sumouse hai sete anos o Descenso Popular do Miño que dende a primeira edición reúne a centos de persoas, xunto á Romaría Popular na ribeira de Caldelas, e a Festa Gastronómica que ten lugar no remate da xornada no centro urbano combinando gastronomía e música.  A conxunción de todas estas actividades deron un novo pulo a este evento, que coa declaración de Festa de Interese Turístico Galego avanza de xeito importante na súa difusión, repercusión, e na promoción do río Miño como atractivo e valor turístico.

Deste xeito son dous os eventos en Tui que contan coa declaración de Interese Turístico Galego as festas patronais de San Telmo e o Descenso Internacional do Miño.

 

- Publicidade -

ÚLTIMA REVISTA

+ VISTOS

SÍGUENOS

691FansGóstame
299SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies