A directora xeral de Familia e Inclusión, Amparo González, estivo presente onte na actividade ‘Deputados por un día’, organizada por Aldeas Infantís no marco do programa ‘Abraza os teus valores’, unha sesión plenaria do Parlamento de Galicia na que os protagonistas son os nenos e as nenas e na que o eixo do debate foi ‘A importancia da atención nas diferentes situacións da vida cotiá’.
Alumnos de primaria dos colexios López Ferreiro de Santiago, Monte Baliño de Pantón (Lugo), de Seixalbo (Ourense) e do Foxo da Estrada (Pontevedra), ocuparon o seu escano
Os pequenos, alumnos de educación primaria, tiveron a oportunidade de trasladar as súas inquedanzas e compromisos ás autoridades e medios de comunicación invitados, ademais de votar o compromiso que mellor consideren entre o que os que cada representante teña defendido na tribuna.
