Inicio Pontevedra "Degusta Europa" arranca unha nova edición vinculada este ano á campaña "Fame...

“Degusta Europa” arranca unha nova edición vinculada este ano á campaña “Fame de Experiencias”

"Degusta Europa" arranca unha nova edición vinculada este ano á campaña "Fame de Experiencias"Os prestixiosos centros Carlos Oroza de Pontevedra e Manuel Antonio de Vigo volverán a ser os protagonistas da cuarta edición do programa da Deputación de Pontevedra

A Deputación de Pontevedra da o pistoletazo de saída á cuarta edición do programa “Degusta Europa” que, un ano máis, levará a vangarda e a innovación gastronómica aos mercados e prazas de abastos de concellos da provincia ao abeiro da celebración do Día de Europa. A presidenta Carmela Silva explicou hoxe que o programa comezará a próxima semana e percorrerá os concellos do Grove, Bueu, Pontevedra, A Guarda, Baiona e Vigo. “A través de “Degusta Europa”, que este ano imos a vincular loxicamente a nosa campaña “Fame de Experiencias” que potencia a enogastronomía, pretendemos como cada ano dinamizar os mercados municipais dándolles un toque de innovación e vangarda grazas ao noso produto de excelencia e ao talento do alumnado dos prestixiosos centros Carlos Oroza de Pontevedra e Manuel Antonio de Vigo”.

A presidenta da Deputación de Pontevedra detallou que esta nova edición “pasará polo Grove, o 2 de abril de 11.00h a 12.00h; por Bueu, o 4 de abril de 11.00h a 12.00h; por Pontevedra, o 5 de abril, de 12.00h a 13.00h; por Baiona, o 10 de abril de 11.00h a 12.00h; pola Guarda, o 11 de abril de 11.00h a 12.00h, e por Vigo, o 12 de abril de 12.00h a 13.00h”. Nas tres primeiras paradas o menú correrá a cargo do Carlos Oroza e as tres últimas do Manuel Antonio.

En todas as actividades o alumnado dos dous centros traballará con produtos das nosas rías e da nosa terra para elaborar unha serie de tapas inspiradas na temática europea. Na rolda de prensa Silva subliñou que “algúns pasos das tapas faranse no centros de formación o día antes ou o mesmo día antes de saír, e logo n0 propio mercado farase unha compra para terminalas ‘in situ’ tendo en conta o produto local”. Para rematar, tamén salientou do programa que “consegue ligar produtos do mar e da terra e empregar produtos da nosa costa e do noso interior que cada vez teñen máis demanda, como é o caso das mazás”.

A primeira das quendas terá lugar no Grove, o vindeiro martes. Alí, o alumnado do Carlos Oroza levará de menú: galletas mariñeiras con paté de marisco, croquetiñas variadas de peixe e marisco e empanada de mazá da Estrada. Todas estas tapas estarán acompañadas de auga da Estrada e bellini de melocotón.

Nas posteriores paradas de “Degusta Europa” as persoas que se acerquen ao seu mercado municipal poderán gozar doutras saborosas tapas como ensalada con peixe escabechado, tarta de queixo galego con marmelada de mazá, crema de caldo de cocido con lacón e chourizo, lambetada de Paté de mexillón da nosa ría, cristais de alga e pau de colín, ou pipiritapa de laconciño, crocante de pan de castañas con prebe de mar e montaña.

- Publicidade -

ÚLTIMA REVISTA

+ VISTOS

SÍGUENOS

694FansGóstame
291SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies