spot_img
InicioVal MiñorGondomarCurso de inglés para o sector servizos en Gondomar

Curso de inglés para o sector servizos en Gondomar

A concellaría de Formación e Emprego e a concellaría de Mocidade do Concello de Gondomar ofrecen un curso gratuíto de inglés orientado ao sector servizos destinado a menores de 35 anos.

Curso de inglés para o sector servizos en GondomarA formación, cunha carga lectiva de 80 horas, busca dotar aos alumnos das ferramentas lingüísticas necesarias para desenvolverse con fluidez no idioma anglosaxón cun enfoque determinado cara aos empregos do sector servizos como son hostalaría, comercio e turismo.

O curso comezará o próximo día 25 de novembro e impartirase no Centro de Desenvolvemento Local de Gondomar en horario de mañá, de 9:30 horas a 14:30 horas.

O prazo de inscricións comeza mañá martes día 11 de novembro e os interesados deberán cumprimentar a solicitude dispoñible no propio CDL ou Oficina Municipal de Información e Xuventude e acompañala dunha copia do DNI, volante de empadroamento, certificado do título de ESO e cartón de demandante de emprego.

Hai un total de 15 prazas dispoñibles que serán concedidas atendendo primeiramente a criterios de antigüidade de desemprego.

- Publicidade -spot_img