A Consellería de Medio Ambiente, Territorio e Infraestruturas vén de finalizar as obras de mantemento e conservación sobre o regato do Vao ao seu paso polo camiño de Abade Nº3, pertencente ao concello de Vigo.
Os labores consistiron na roza selectiva e na eliminación da masa de bambú e de atascos formados por ramas e restos vexetais. Ademais tamén se procedeu á reparación da marxe dereita do regato cunha manta orgánica.
O importe destas actuacións alcanzou, de forma aproximada, os 9.500 euros
O importe dos traballos foi de case 9.500 euros e mellorouse o estado do leito do río nun treito de 100 metros. Nas imaxes pode apreciarse o estado do curso fluvial antes, durante e despois da execución das labores.
Estas accións están enmarcadas no programa de mantemento, conservación e mellora do dominio público das bacías de Galicia-Costa da Xunta de Galicia
Estas accións están enmarcadas no programa de mantemento, conservación e mellora do dominio público das bacías de Galicia-Costa e as súas zonas de acceso e protección que a Xunta de Galicia está a desenvolver.
Pulo ás actuacións de conservación e limpeza
Grazas ao Regulamento da planificación en materia de augas de Galicia, que inclúe as medidas 
necesarias para axilizar a limpeza dos ríos e as actuacións de emerxencia en época de seca, -entre outros puntos- a Consellería de Medio Ambiente, Territorio e Infraestruturas reduce de 6 meses a 15 días o período de tramitación para autorizar limpezas de ríos co fin de optimizar o estado ecolóxico das canles da Demarcación Galicia-Costa e evitar riscos de asolagamentos.
Coa nova normativa só será necesario que o particular ou administración local correspondente comunique con 15 días de antelación as tarefas a executar a Augas de Galicia. Trátase dunha axilización fronte aos trámites actuais, que se traducen nunha duración de entre 4 e 6 meses por expediente. A día de hoxe, realizar este tipo de actuacións precisa unha presentación da solicitude, especificando o tramo e os traballos de limpeza, visita da gardería, informes técnicos e proposta-resolución.
A simplificación no procedemento fomenta a vontade para mellorar os leitos da Demarcación Galicia-Costa, xa que a actual xestión provocaba que os solicitantes perderan a motivación de levar a cabo esta mellora e acción de mantemento nos ríos.
