Inicio Galicia Clausurado o I Simposio Internacional Os estudos galegos Camiño do Xacobeo 21

Clausurado o I Simposio Internacional Os estudos galegos Camiño do Xacobeo 21

Clausurado o I Simposio Internacional Os estudos galegos Camiño do Xacobeo 21. Os secretarios xerais técnico e de Política Lingüística e a directora xeral de Patrimonio Cultural asistiron ao concerto de Guadi Galego na Capela Real do Hostal dos Reis Católicos

A Consellería de Cultura e Turismo clausurou hoxe ao serán no compostelán Hostal dos Reis Católicos o I Simposio Internacional Os estudos galegos Camiño do Xacobeo 21 no que se deron cita durante dous días máis de 150 especialistas en lingua, cultura e proxección exterior procedentes dos Centros de Estudos Galegos da Xunta.

O secretario xeral técnico, Manuel Vila; o secretario xeral de Política Lingüística, Valentín García; e a directora xeral de Patrimonio Cultural, María del Carmen Martínez asistiron ao concerto de peche, que ofreceu Guadi Galego na Capela Real.

O I Simposio Internacional – Estudos Galegos Camiño do Xacobeo 21 nace como como un primeiro foro de debate internacional dende os Centros de Estudos Galegos (CEG) repartidos por universidades de todo o mundo. Os CEG e outras entidades que colaboran con eles funcionan como motores de difusión da lingua e a cultura propias de Galicia.

Neste evento compartíronse experiencias para poder definir os eixes de actuación sobre o noso patrimonio cultural e lingüístico camiño do Xacobeo 21. O congreso estivo organizado pola Consellería de Cultura e Turismo a través da Secretaría Xeral de Política Lingüística, da Axencia de Turismo de Galicia e da Sociedade de Xestión do Plan Xacobeo.

Contou coa participación, entroutros, de Víctor Freixanes, presidente da Real Academia Galega; Luis García Montero, director do Instituto Cervantes; Filipa Soares, responsable do Instituto Camôesen Madrid; Gregorio Ferreiro, vicepresidente da Rede Europea para a Promoción da Diversidade Lingüística (NPLD); María Boguszewicz, presidenta da Asociación Internacional de Estudos Galegos; directores de diferentes CEG; e os músicos Uxía, Roi CasalJavier Otero e Guadi Galego, entre outros.

 

- Publicidade -

ÚLTIMA REVISTA

+ VISTOS

SÍGUENOS

694FansGóstame
291SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies