A Irmandade da Santa Casa de Paz e de Misericordia de Baiona conclúe a celebración do seu 450 aniversario.
A clausura tivo lugar o pasado venres 5 de abril na Capela da Misericordia, onde levaron a cabo actos litúrxicos en honra á irmandade. A corporación municipal estivo presente para render homenaxe a esta institución que ha desempeña un papel fundamental na vida relixiosa e cultural de Baiona.
Desde o 24 de Marzo, a veciñanza e visitantes de Baiona tiveron a oportunidade de coñecer o legado da confraría máis antiga de Galicia. A exposición fotográfica no hall do Concello foi o punto central destas celebracións, mostrando momentos destacados dos 450 anos da Confraría da Santa Casa.
A Confraría da Santa Casa de Paz e de Misericordia de Baiona foi fundada o 5 de abril de 1574 por orde expresa do Rey Felipe II, co propósito de realizar obras de compaixón nunha vila que sufría continuos ataques piratas e desde o Reino de Portugal. Ao longo dos séculos, mantivo o seu compromiso de brindar un santo enterro á veciñanza falecidos na vila, ademais de coidar do patrimonio artístico e cultural da capela da Misericordia.
O Concello de Baiona agradece a toda a cidadanía, visitantes e colaboradores que participaron nas celebracións do 450 aniversario da Confraría da Santa Casa, e reafirma o seu compromiso de continuar preservando e promovendo o legado desta institución no futuro.
