A directora xeral de Patrimonio Natural e a delegada territorial da Xunta en Vigo inauguran a exposición itinerante sobre estes espazos, que permanecerá na praza da Estrela ata o xoves, 16 de decembro
Co obxectivo de que os vigueses coñezan o patrimonio natural que atesouran as sete reservas de biofera de Galicia, a Xunta levou a Vigo a exposición itinerante sobre estes espazos. Trátase dunha iniciativa da Consellería de Medio Ambiente, Territorio e Vivenda, en colaboración co Centro de extensión universitaria e divulgación ambiental de Galicia (Ceida), para celebrar o 50 aniversario da creación do programa sobre o Home e a Biosfera (MaB) da Unesco.
A directora xeral de Patrimonio Natural, Belén do Campo, e a delegada territorial da Xunta en Vigo, Marta Fernández-Tapias, inauguraron esta mañá esta exposición que permanecerá na praza da Estrela -fronte á Delegación Territorial- ata o 16 de decembro; de onde partirá para chegar a Santiago de Compostela, o vindeiro sábado, 18 de decembro.
A exposición, composta por nove paneis informativos, pon o foco nos valores medioambientais, culturais e paisaxísticos que atesouran as reservas, así como na importancia de apostar polo desenvolvemento sostible para facilitar a actividade económica e social de quen habita estes espazos.
Galicia conta con seis Reservas da Biosfera que representan o 25% do territorio da Comunidad Autónoma. Ademáis, unha delas é interautonómica (con Asturias) e outra internacional (con Portugal). As reservas son:
- Reserva da Biosfera Terras do Miño (Lugo),
- Reserva de Biosfera Área de Allariz (Ourense),
- Reserva de Biosfera Os Ancares Lucenses e Montes de Cervantes, Navia e Becerreá (Lugo),
- Reserva de Biosfera O Río Eo, Oscos eTerras do Burón (Lugo),
- Reserva da Biosfera Transfronteiriza Xurés-Gerês (Ourense e Portugal)
- Reserva de Biosfera As Mariñas Coruñesas e Terras do Mandeo (A Coruña).
Reservas da Biosfera
As Reservas de Biosfera foron concibidas non 1974 polo Grupo de Traballo do Programa sobre o Home e a Biosfera (MaB) da UNESCO para conciliar a preservación da diversidade biolóxica e dos recursos co seu uso sustentable. Constitúen lugares excepcionais para a investigación, a observación a longo prazo, a formación, a educación e a sensibilización do público, permitindo ao mesmo tempo que as comunidades locais participen plenamente na conservación e o uso sostible dos recursos. Considera que tamén constitúen lugares de demostración e polos de acción no marco das políticas de desenvolvemento rexional e de ordenamento do territorio.
Constitúen un elemento esencial do Programa MaB (Home e Biosfera) da UNESCO. Son áreas de ecosistemas terrestres, costeiros ou mariños nos que se promove a investigación, a observación a longo prazo, a educación ambiental e a sensibilización do público. Nelas, promóvese a conservación dos recursos naturais e o desenvolvemento económico e social das comunidades locais, tendo en conta todas as necesidades sociais, culturais, económicas dos seus poboadores, xunto cunha función de coñecemento científico e apoio loxístico, para alentar actividades de investigación, educación, formación para a conservación e o desenvolvemento sostenible.