Centos de alumnos de cinco centros educativos de Nigrán participaron hoxe na ‘XI Carreira Solidaria’ organizada polo CPI Arquitecto Palacios de Panxón con motivo do Día da Paz e co fin de recadar fondos para colaborar co departamento de Servizos Sociais do Concello de Nigrán.
Na proba, á que asistiu o alcalde acompañado de varios edís, participaron ademais de alumnos do CPI, o Centro de Educación Especial de Panxón, a Esola Infantil ‘As Dunas’, o CEE Juan María de Parada e o CEIP A Cruz de Camos, todos correron tras achegar os seus patrocinadores adultos unha axuda para a causa.
“Estamos moi orgullosos desta iniciativa que ano a ano promove na nosa infancia valores como a solidariedade a través da práctica deportiva, por iso damos especialmente as grazas ao docentes pola organización e aos nenos e os seus padriños pola súa participación imprescindible”, destaca o alcalde, Juan González.