Inicio Pontevedra Catorce axentes de cooperación presentan quince proxectos no Sur á convocatoria do...

Catorce axentes de cooperación presentan quince proxectos no Sur á convocatoria do Fondo Galego de Cooperación e Solidaridade.

Catorce axentes de cooperación galegos ou con sede en Galicia concorreron á convocatoria de proxectos de desenvolvemento aberta polo Fondo Galego de Cooperación e Solidariedade neste ano 2014. O prazo de entrega das propostas pechouse o pasado 7 de xullo, cun total de 15 proxectos recibidos. A Asemblea Xeral resolverá previsiblemente en outubro que actuacións se cofinancian. Tanto o número de solicitantes como o de proxectos presentados a esta convocatoria reducíronse levemente respecto do exercicio anterior, cando 15 ONGD elaboraron 17 propostas.

A gran maioría das solicitudes corresponden a organizacións non gobernamentais: Amigos da Terra, Amigos Escaes-Perú, Arquitectos sin Fronteras, Asociación Natura Hispánica, Enxeñería sen Fronteiras, Fundación Cume, Fundación Fabre, Fundación Madreselva, Implicadas no Desenvolvemento, Intered, Médicos del Mundo e Taller de Solidaridad. No entanto, como novidade tamén presentaron iniciativas a Universidade da Coruña e o Departamento de representación e teoría arquitectónicas da propia UdC.

A Asemblea Xeral resolverá previsiblemente en outubro que actuacións se cofinancian.

As intervencións concéntranse nun total de nove países: Nicaragua (3), Perú (3), Bolivia (2), Mozambique (2), El Salvador (1), Guatemala (1), Honduras (1), India (1) e Senegal (1). Os eidos de actuación nos que se encadran son educación, xestión do recurso hídrico, soberanía alimentaria, abastecemento de auga e saneamento, turismo sustentable, desenvolvemento socioeconómico local, participación democrática e sociedade civil, saúde reprodutiva e desenvolvemento rural.Catorce axentes de cooperación presentan quince proxectos no Sur á convocatoria do Fondo Galego

As bases deste ano debatéronse no Consello Municipalista de Cooperación, órgano consultivo do que están convidados a participar os axentes do sector. Agora, unha comisión técnica constituída por representantes de diferentes deputacións e concellos encargarase de avaliar as propostas, aínda que será a Asemblea de socios quen aprobe a resolución da Comisión Executiva. O Fondo Galego destinará en 2014 un mínimo de 100.000 euros a subvencionar a execución de proxectos de desenvolvemento nos países do Sur de xeito indirecto, é dicir, a través dos axentes de cooperación con presenza en Galicia.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies