O ministro peruano do Ambiente, Manuel Pulgar-Vidal, mostrouse hoxe en Berlin “absolutamente seguro” de que no Cume do Clima de París a final do ano lograrase un acordo ambicioso, concreto e a longo prazo, para combater o quecemento global.
Pulgar-Vidal realizou estas declaracións a Efe nunha entrevista no sexto Diálogo do Clima de Petersberg, un foro informal que reúne entre onte e hoxe a representantes de 35 países para avanzar nas negociacións multilaterais para atallar o cambio climático. “Estou seguro de que haberá un acordo”, dixo Pulgar-Vidal, e sinalou que o documento final será “concreto”,
“ambicioso”, pensará no “longo prazo”, cumprirá “coas metas” establecidas, “diferenciará” entre países e atenderá ás súas necesidades, pasado e posibilidades.
EFE//Foto: Patricia Sevilla Ciordia.
