O Multiusos Mercado de Sabarís acolleu o acto central do Día Internacional da Muller do Concello de Baiona
A Concellería de Igualdade organizou nesta data sinalada a inauguración da exposición “Achegas, Mulleres na Axenda”, a inauguración da exposición das fotografías e as historias das mulleres de Baiona que forman parte do bonito proxecto das Axendas Igualitarias realizadas por esta concellería.
No acto interviron o Alcalde de Baiona e a Concelleria de Igualdade e nel participaron un ampla representación das mulleres que forma parte das axendas así como dos seus familiares. Tamén acudiron a inauguración diferentes colectivos da Vila. A xornada foi amenizada polas Pandereteiras de Monte Boi.
Tamén se fixo unha conexión en directo coa vila irmá de Pornic para facer un pequeno intercambio entre os actos do 8M programados polas Concellerías de Igualdade de ambos consistorios.
