Inicio Pontevedra Baiona acollerá en setembro o I Vertiatlón Solidario

Baiona acollerá en setembro o I Vertiatlón Solidario

Baiona-acollerá-setembro-primeiro-Vertiatlón-Solidario

Baiona acollerá o próximo 12 de setembro o I Vertiatlón Solidario, un evento organizado polo Monte Real Club de Yates e o concello de Baiona co patrocinio de Verti Seguros e a colaboración da Federación Galega de Tríatlon.

A competición deportiva terá o deseño dun tríatlon sprint e incluirá tres probas de natación, ciclismo e carreira a pé que se desenvolverán na baía de Baiona e en varias rúas da vila mariñeira o próximo 12 de setembro

Trátase dunha competición deportiva que terá o deseño dun tríatlon sprint e incluirá tres probas de natación, ciclismo e carreira a pé que se desenvolverán na baía de Baiona e en varias rúas da vila mariñeira. Os participantes deberán completar 750 metros a nado, 20 quilómetros en bicicleta e 5 quilómetros correndo.

O evento solidario está organizado polo Monte Real Club de Yates e o concello de Baiona co patrocinio de Verti Seguros e a colaboración da Federación Galega de Tríatlon

A cota de inscrición é de 25 euros, e todo o diñeiro que se recade irá destinado integramente á Escola de Vela Adaptada do Monte Real Club de Yates, que desde hai anos presta servizo a diversas asociacións de persoas discapacitadas de Galicia.

Todo o diñeiro que se recade coas inscricións dos participantes irá destinado á Escola de Vela Adaptada para persoas con discapacidade do Monte Real Club de Yates

O prazo de inscrición abrirase o próximo 15 de xullo a través da web da Federación Galega de Tríatlon. Haberá varias categorías xerais e unha categoría especial para os empadroados no Concello de Baiona.

Os primeiros clasificados absolutos masculino e feminino recibirán, como premio, un seguro anual para automóbil por cortesía de Verti Seguros; e entre todos os participantes sortearanse, ademais, outro oito seguros.

Baiona-acollerá-setembro-primeiro-Vertiatlón-Solidario

Un percorrido pola vila de Baiona

O I Vertiatlón Solidario de Baiona iniciarase coa proba de natación, na que os participantes deberán cubrir a nado a distancia que separa as praias de Barbeira e A Ribeira. Ambos os areais atópanse no núcleo urbano da vila de Baiona, aos pés da muralla que rodea a península de Monte Boi, separadas polas instalacións do Monte Real Club de Yates.

Ao finalizar o percorrido a nado, os participantes collerán as súas bicicletas nas pistas de baloncesto da zona da Palma e prepararanse para a segunda das probas, a ciclista, que incluirá catro voltas entre dous das rotondas que dan acceso a Baiona, a do Baredo e a de Santa Marta.

A última das probas do tríatlon sprint será a de carreira a pé, e disputarase nun dos lugares máis visitados de Baiona, o Parador Nacional. Os deportistas deberán completar dúas voltas ao recinto amurallado da península do Monterreal, tamén coñecida como península de Monte Boi.

A competición empezará ao cinco da tarde e a entrega de premios celebrarase ao oito nas instalacións do Monte Real Club de Yates.

Baiona-acollerá-setembro-primeiro-Vertiatlón-Solidario

A Escola de Vela Adaptada do Monte Real Club de Yates

O diñeiro que se recade coas inscricións do I Vertiatlón Solidario de Baiona irá destinado integramente á Escola de Vela Adaptada do Monte Real Club de Yates, creada no 2012 para achegar o mundo da vela a persoas con discapacidade.

Tras uns primeiros anos prestando servizo a asociacións e agrupacións do Val Miñor, Tomiño e A Guarda, na actualidade a escola busca expandirse co obxectivo de poder ofrecer estes cursos de navegación adaptada a centros de toda Galicia.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies