O pasado mércores presentouse no Salón de Plenos do Concello de Cangas do Morrazo a IX Gala Benéfica Contra o Cancro- Festival de Música e Baile
Organizada pola sede local da Asociación Española Contra o Cáncer, o vindeiro venres 20 de setembro, o Auditorio Municipal Xosé Pazos Varela, acollerá ás 20.00 hrs., a IX Gala Benéfica Contra o Cancro – Festival de Música e Baile
A cita será presentada por Lina e Jaime e contará coas actuacións de: Grupo de teatro Furafollas, Banda de Música Bellas Artes de Cangas, David Gaiteiro, Grupo de teatro Charaviscas, Grupo de danza Pais de San Roque e Boombox Studio.
O prezo da entrada é de 5€ ENTRADAS: no teléfono 683669914, no Centro Social de Cangas, 2ª planta, de 11:00 a 13:00hrs. ou no auditorio no mesmo día.
Na presentación estiveron: O presidente da Asociación Española Contra o Cancro en Cangas, Raúl Cerna, xunto á alcaldesa do Concello de Cangas do Morrazo , Araceli Gestido e a concelleira de Cultura da localidade, Aurora Prieto.
Esta Gala ten como obxectivo recadar fondos para que a asociación poida continuar apoiando investigacións contra o cancro e ofrecendo servizos de apoio gratuítos a pacientes oncolóxicos e ás súas familias.
Durante a súa intervención Raúl aproveito para lembrar que a gala solidaria conta co patrocinio dos concellos de Cangas e Moaña, Deputación de Pontevedra e coa colaboración de numerosos comercios e empresas da comarca do Morrazo, que se envorcan para apoiar esta iniciativa de carácter benéfico. Tamén destacou a cantidade de servizos que se prestan, os cales puden ser solicitados sen ser socio. Servizos como: Atención Psicolóxica, Orientación Laboral, Fisioterapia Oncolóxica. “Todo custa diñeiro que sae fundamentalmente dos socios, que achegan o 80 %” subliña Raúl Cerna
O presidente e a Asociación Contra o Cancro de Cangas, aproveitou tamén para facer chegar á sociedade, que aínda que é importante a achega como socio, o é tamén o labor do voluntariado, e fixo un chamamento “necesitamos voluntarios para poder atender, sobre todo á xente maior”
