Inicio Val Miñor Nigrán As grandes promesas do xadrez danse cita este sábado en Nigrán no...

As grandes promesas do xadrez danse cita este sábado en Nigrán no ‘VI Torneo Dani Rocha Prol’

as-grandes-promesas-do-xadrez-danse-cita-este-sabado-nigran-no-vi-torneo-dani-rocha-prolA competición terá lugar durante todo o día no Pavillón Municipal, que acollerá a centos de xogadores de diferentes clubes

O Clube de Xadrez Laroca, en colaboración co Concello de Nigrán, organiza un ano máis o ‘VI Torneo de Xadrez Dani da Rocha Prol”, que terá lugar durante todo o sábado no Pavillón Municipal de Panxón. Centos de xóvenes axedrecistas participarán nesta competición na que o clube nigranés rende homenaxe ao seu compañeiro Dani da Rocha, falecido en 2011. Este ano, como novidade, organízase unha recollida de alimentos voluntaria entre os participantes e acompañantes.

O torneo,  pertencente ao XII Circuíto Galego de Xadrez Promoción, congregará categorías sub-8, 10, 12, 14 e 20 dende as 11.00 horas, sucedéndose as sete roldas ata as 19.40 horas que será a clausura e entrega de premios. Para fomentar a participación, haberá trofeos para os participantes e sorteo de agasallos.

A gran participación neste torneo netamente infantil é unha mostra máis do notable e crecente interese polo xadrez en Galicia. A aparición nos últimos anos de novos clubs e escolas de xadrez que promoven esta disciplina, o incremento da oferta de torneos por todo o territorio e a posibilidade de que o xadrez sexa materia de libre configuración son froito do convencemento dos beneficios que ten a práctica do xadrez na mente de pequenos e maiores. Por todo elo, o Concello séntese especialmente orgulloso de acoller cada ano este evento que rende homenaxe a Dani da Rocha Prol.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies