Inicio Baixo Miño A Xunta redactará o plan de sendas do baixo Miño coa fin...

A Xunta redactará o plan de sendas do baixo Miño coa fin de acceder aos fondos europeos do período 2021- 2027

A Xunta redactará o plan de sendas do baixo Miño coa fin de acceder aos fondos europeos do período 2021- 2027
A Guarda – Sendeiro desembocadura río Miño

Este itinerario, pola marxe dereita da estrada PO-352, en dous treitos que suman unha lonxitude total de case 3 km, permitiría desenvolver un percorrido circular que reforzaría o atractivo turístico da zona

A conselleira de Infraestruturas e Mobilidade en funcións, Ethel Vázquez, trasladoulle hoxe ao alcalde da Guarda, Antonio Lomba, que a Xunta vai redactar o Plan de sendas da comarca do Baixo Miño coa fin de acceder aos fondos europeos do período 2021-2027 para cofinanciar as actuacións.

Vázquez Mourelle trasladoulle ao rexedor que, no marco dese plan, se estudará a priorización, de acordo con criterios técnicos obxectivos, da inclusión da execución dunha senda peonil na estrada PO-352, arredor do Monte de Santa Tegra.

Trátase, concretamente, dun itinerario peonil a desenvolver en dous treitos, pola marxe dereita da estrada autonómica: entre os puntos quilométricos 2+250 e 4+094 e entre o 5+264 e o 6+300, sumando unha lonxitude total de case 3 km.

Este itinerario permitiría completar un percorrido circular arredor do monte, o que reforzaría o atractivo turístico desta contorna.

Unha vez que a Xunta teña redactado o Plan de Sendas da comarca do Baixo Miño estudará o encaixe no mesmo deste itinerario da Guarda.

Cómpre lembrar que o Plan de Sendas, que a Xunta xa ten en pleno desenvolvemento en distintas comarcas galegas, parte dunha análise global do territorio, priorizando actuacións que atenden a criterios técnicos obxectivos e factores como a situación dos núcleos de poboación, servizos ou equipamentos; o tráfico e a sinistralidade que rexistra cada treito da estrada; a orografía e as pendentes do terreo; o clima; a facilidade de implantación ou a posibilidade de conectar con percorridos xa existentes.

Os obxectivos prioritarios desta iniciativa da Xunta, de construción de itinerarios peonís e ciclistas sostibles, seguros e integrados na paisaxe, son protexer e incrementar a seguridade de peóns e ciclistas, posto que son os usuarios máis vulnerables das estradas e promover unha mobilidade máis sustentable, favorecendo modos de desprazamento menos contaminantes e alternativos á utilización do vehículo particular.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies