·Publicidade ·
mobipark
mobipark
InicioGaliciaA Xunta propon celebrar a cerimonia de entrega das Medallas Emilia Pardo...

A Xunta propon celebrar a cerimonia de entrega das Medallas Emilia Pardo Bazán nos xardíns do Pazo de Meirás

A RAG solicita que a biblioteca de Emilia Pardo Bazán sexa declarada BIC para garantir a súa protección
Pazo de Meirás @wikipedia

A Xunta de Galicia celebrará a cerimonia de entrega das Medallas Emilia Pardo Bazán, que na última edición recoñeceron a Megumi Shiozawa —a título póstumo—, á Federación Provincial de Mulleres Rurais de Ourense (Femuro) e á Asociación Rede Mulleres Veciñais Contra os Malos Tratos de Vigo, nun acto previsto este 8 de Marzo, Día Internacional da Muller.

O Goberno galego propón celebrar o acto de entrega nos xardíns do Pazo de Meirás, recentemente recuperado, polo seu simbolismo e a vinculación do mesmo coa escritora Emilia Pardo Bazán que dá nome aos galardóns e loitou pola igualdade nos seus tempos. Para iso, xa solicitou ao Goberno central o uso das instalacións para a celebración da cerimonia.

As medallas recaeron na súa última edición, tal e como se deu a coñecer no Consello da Xunta o pasado 17 de decembro, en Megumi Shiozawa a título póstumo, na Federación Provincial de Mulleres Rurais de Ourense (Femuro) e na Asociación Rede Mulleres Veciñais Contra os Malos Tratos de Vigo.

Coas medallas recoñécese a achega das persoas e entidades galardoadas en favor da igualdade de homes e mulleres en Galicia

Con esta iniciativa, o Goberno galego quere enxalzar o labor que as premiadas desenvolven ou desempeñaron a favor da igualdade entre homes e mulleres para construír unha sociedade máis igualitaria baseada nos principios de igualdade, xustiza e solidariedade. A coincidencia da entrega na data na que se conmemora o Día Internacional da Muller non persegue máis que facer énfase nese recoñecemento.

Megumi Shiozawa, que recibirá a medalla a título póstumo, foi presidenta da Casa Galicia Xapón, axudando a estreitar as relacións entre Galicia e o país nipón. Destacou pola súa traxectoria como muller emprendedora e dinámica. Co seu labor, ademais de servir de canle entre dúas culturas, contribuíu a impulsar o emprendemento feminino, sendo unha pioneira na apertura do mercado de oriente para os galegos e galegas e que intensificou os vínculos entre Xapón e Galicia.

A Xunta propon celebrar a cerimonia de entrega das Medallas Emilia Pardo Bazán nos xardíns do Pazo de Meirás

A Federación Provincial de Mulleres Rurais de Ourense (Femuro) naceu no ano 1998 e conta na actualidade con 64 entidades de mulleres rurais asociadas, distribuídas por toda a provincia, o que lle imprime unha base social ampla e variada e se traduce en miles de mulleres beneficiarias das súas actividades. Forma parte do Consello Social Provincial de Ourense e do Consello Galego de Benestar.

A concesión, que se fai por segundo ano, axuda a sensibilizar, visibilizar os talentos das mulleres e para recoñecer traxectorias de persoas e entidades comprometidas

A Asociación Rede Mulleres Veciñais Contra os Malos Tratos de Vigo, pola súa banda, atende as demandas cotiás das mulleres, prestándolles apoio e asesoramento de xeito directo, especialmente mediante a intervención directa coas mulleres vítimas de violencia de xénero, poñendo o foco na importancia do acompañamento social das mulleres vítimas de violencia de xénero e na súa recuperación psicosocial e laboral.

A Xunta creou en 2019 as Medallas para o recoñecemento de accións relevantes a favor da igualdade entre mulleres e homes. Poden ser destinatarias das mesmas persoas ou colectivos, entidades ou institucións de carácter público e privado que coa súa traxectoria ou labor contribúan no desenvolvemento na nosa comunidade de accións relevantes neste ámbito. Cada ano outórganse tres condecoracións, todas elas de carácter exclusivamente honorífico.

Coa entrega faise recoñecemento público ademais ás medidas desenvolvidas en Galicia en prol da igualdade efectiva, axudando á sensibilización social, á visibilización dos talentos e das capacidades das mulleres e para que se recoñeza a traxectoria vital e profesional de persoas e entidades comprometidas con erradicar as discriminacións de xénero e coa construción dunha sociedade máis igualitaria.

Estes galardóns levan o nome de Emilia Pardo Bazán por tratarse dunha precursora nas ideas acerca dos dereitos das mulleres e do feminismo, e polo seu carácter reivindicador da educación das mulleres, tendo incorporado en todas as súas obras ideas sobre a modernización da sociedade e o acceso das mulleres aos mesmos dereitos e oportunidades que tiñan os homes na súa época.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies