Inicio Pontevedra A Xunta fai entrega de novo equipamento a oito Agrupacións de Protección...

A Xunta fai entrega de novo equipamento a oito Agrupacións de Protección Civil da provincia de Pontevedra

a-xunta-fai-entrega-de-novo-equipamento-a-oito-agrupacions-de-proteccion-civil-da-provincia-de-pontevedra

O vicepresidente da Xunta, Alfonso Rueda fixo entrega dun novo equipamento para Agrupacións de Protección Civil a varios concellos da provincia de Pontevedra, nun acto no que tamén participaron o delegado territorial da Xunta en Vigo, Ignacio López-Chaves e o de Pontevedra, José Manuel Cores Tourís.

Os concellos de Barro, O Grove, A Guarda e Pontecesures recibiron hoxe un todo terreo pick up; e os concellos de Cangas, Mos, Agolada e a Mancomunidade de Val Miñor, integrada polos concellos de Baiona, Gondomar e Nigrán recibiron un remolque de emerxencias equipado con electro bombas somerxibles, motobombas para augas residuais, xerador de electricidade portátil de gasolina, motoserras, rozadoras de 3 CV, torre de iluminación e kit de balizamento e sinalización.

O acto de entrega tivo hoxe lugar na Delegación Territorial da Xunta en Vigo, onde o titular da Vicepresidencia destacou que tanto Xunta coma concellos recoñecen o importante labor que levan a cabo cada día os voluntarios de Protección Civil, polo que grazas a esta nova entrega dótase ás agrupacións dunha importante mellora nos medios materiais e permite mellorar a eficacia das actuacións na prevención de riscos e nas intervencións nas emerxencias.

a-xunta-fai-entrega-de-novo-equipamento-a-oito-agrupacions-de-proteccion-civil-da-provincia-de-pontevedra

Por iso, dende o Goberno galego trabállase para que estes profesionais poidan contar cos mellores medios e traballen nas mellores condicións. Por unha banda, coa aposta pola súa formación na Academia Galega de Seguridade Pública; e por outra banda, dotándoos dos mellores medios materiais para poder levar a cabo este labor.

Nos últimos meses foron destinados máis de 4 millóns de euros a reforzar con medios materiais as agrupacións de Protección Civil alí onde máis o necesitan, xa que foron eles mesmos os que trasladaron en distintas reunións que era o que máis precisaban. Entregáronse xa máis de 40 furgóns, aos que se sumaron outros tantos todoterreos, 60 remolques e 30 esparexedores de sal.

Concretamente, na provincia de Pontevedra tense incrementado a dotación de máis de 40 concellos, con 20 todoterreos, 7 furgóns, 8 remolques de emerxencias e 7 lanchas, ademais de carpas, equipos de excarceración e esparexedores de sal.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies