Inicio Galicia A Coruña A Xunta e a Real Academia Galega de Belas Artes levarán unha...

A Xunta e a Real Academia Galega de Belas Artes levarán unha mostra sobre o Camiño de Santiago ás sete cidades galegas

A Xunta e a Real Academia Galega de Belas Artes levarán unha mostra sobre o Camiño de Santiago ás sete cidades galegasTui, Vilagarcía de Arousa e Melide tamén acollerán a mostra sobre o Camiño de Santiago promovida pola Xunta e a RAG de Belas Artes

O conselleiro de Cultura e Turismo, Román Rodríguez, e o presidente da Real Academia Galega de Belas Artes (RAGBA), Manuel Quintana Martelo, asinaron onte un convenio de colaboración que permitirá afondar no vínculo entre a cultura e o Camiño de Santiago. Deste xeito, ambas institucións traballarán xuntas na creación de dous proxectos que levarán o legado xacobeo polas sete cidades galegas a partir do próximo mes de xullo.

Os proxectos tamén chegarán as vilas de Melide, Vilagarcía de Arousa e Tui afondando no obxectivo do Goberno galego de descentralizar a celebración do Ano Santo facendo partícipe a toda a cidadanía galega.

Durante o acto de sinatura, o titular de Cultura e Turismo salientou que se trata dun acordo que pon de manifesto a vontade da Administración autonómica para colaborar na reactivación e desenvolvemento dunha programación cultural de calidade. “O Xacobeo 2021 debe funcionar como un elemento de dimensión internacional que nos permita avanzar nunha recuperación transversal da nosa cultura e doutros sectores económicos fundamentais como o turismo”, precisou . Neste sentido, engadiu, agora é “máis importante que nunca” afianzar o vínculo entre a cultura e o Ano Santo buscando a colaboración con entidades como a Real Academia Galega de Belas Artes.

Concretamente, ao amparo deste protocolo impulsaranse dous proxectos que reflicten a importancia do legado xacobeo para a sociedade galega e que permitirán consolidar a imaxe de Galicia a través da súa cultura. Trátase dun ciclo de conferencias e debates que estarán relacionadas co patrimonio e a cultura da nosa terra e dunha mostra itinerante que incluirá obras dunha ducia de artistas que farán a súa propia interpretación do Camiño de Santiago.

Descentralización do Xacobeo 2021

Ambos proxectos afondan no obxectivo da Xunta de Galicia de descentralizar a celebración do vindeiro Xacobeo xa que se levarán a cabo nas sete cidades galegas e nas vilas de Melide, Vilagarcía de Arousa e Tui, polas que pasa o Camiño de Santiago. Así, Román Rodríguez destacou que neste escenario de incerteza é importante conseguir que o Xacobeo 2021 sexa “máis descentralizado que nunca para que se faga sentir en toda Galicia”.

Por último, o conselleiro de Cultura e Turismo recoñeceu que o actual é un momento especialmente duro para todos os profesionais do sector cultural, pero se mostrou confiado de que “traballando xuntos e sumando forzas conseguiremos pasar por isto e iniciar os primeiros pasos cara a recuperación”. Nesta liña, destacou que a cultura é un ámbito fundamental para a economía da nosa Comunidade, xa que supón case o 3% do noso Produto Interior Bruto e xera preto de 35.000 postos de traballo.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies